Mohabbat Bhi Zaroori Thi Bichhadna Bhi Zaroori Tha – Prince

Hello Everyone & Silent Readers, Mera nam Prince hai. Aap logo ki traf se meri kahaniyo ko bahut acchha responce mil raha hai jiske liye aap logo ka bahut-bahut shukriya. Ye kahani bhi real nhi fictional hai jise maine khud create kiya hai. Aaj mai aapke liye ek bahut hi alag kahani laya hu jisme koi bewafa nhi hai phir bhi dono mil nhi pate. To aayiye, sunte hai…

Jisse mai pyar krta hoon aur jo meri zindagi hai uska naam Parineeti hai jise mai bachpan se hi Pari keh kar bulata hoon. Mai aur Pari ek hi colony me rehte hai. Bachpan me hum dono sath me saare khel khelte the chahe wo gudiya ki shadi ho , kit kit ka khel ho ya kuch aur? Hum dono sath me hi khel-kud kar bade hue hai. Hum dono ka school bhi same tha school me bhi kafi waqt sath me gujarte the us waqt ham dono class 5 me the.Us waqt mujhe Pari ke sath rehne me usse batein karne me acha lagta tha , pyar kya hota tha is chiz ka mujhe koi knowledge nahi tha.

Ye silsila chalta raha aur ham ab class 8 me pahunch chuke the ab thodi samajh me aaya tha pyar hota kya hai. Mere ek friend ke paas ek Girlfriend thi wo aksar uski baat krta tha to mujhe bhi aisa feel hua meri bhi koi girlfriend hoti, aur aisa sochte hi mere dil aur dimaag me kewal ek hi naam aaya Pari ka. Ab tak to ham dost the aur mai bhi use as a friend dekhta tha lekin ab meri feelings badal chuki thi Pari ke liye.Ab mai Pari se pyar karne laga tha.Magar Pari ko bol pata itni himmat mujhme nahi thi. Aur isi tarah 2 saal gujar gaya aur ham 10 paased out kar ke us school ko alvida bhi keh diye. Fir same college me hum dono ne admission le liya, mai Pari ko kitna chahne laga tha kaash use bata pata , Hum dono sath me college jate aur aate bhi sath me hi. Kuchh dino ke bad Pari college me vijay se close ho rahi thi usse baat karti aur study me bhi ek dusre ka help kiya karte the wo log Mujhe bahut bura lagta jab bhi Pari ko uske saath dekhta. Ek din jab mere bardasht se bahar ho gaya to maine kar hi dala apna pyar ka izhaar magar ye suddenly ho gaya tha to zara different hai.

Pari : Chalo ghar nahi jaana.
Me : Mai to kab se wait kar raha hun tumhe vijay se time mile tab na aati?

Pari : Nahi …hum to sirf study me ek dusre ka help kar rahe the aur waisa kuchh nahi hai.
Me : Chup karo.

Pari : Kya hua? Aisa to tumhe pehle kabhi nahi dekhi.
Me : Kyoki mai tumse pyar karta hun aur nahi dekh sakta tumko kisi aur ladke ke sath.

Pari : Kya? to bataya kyu nahi Aur ye kab hua?
Me : Kaise bata pata himmat hi nahi thi mujhme aur ye pyar...

aaj ka nahi us waqt se hai jab hum class 8 me padhte the.

Pari : How sweet! Itne saal se isliye tum meri itni care karte rahe aur mai samjh hi nahi paayi.
Me : Pari I love you very much.
Pari : I love you to mujhe tumse better samjhne aur pyar karne wala aur koi mil hi nahi sakta.

Hum dono ek dusre ka pyar pakar bhot khush the aur zindagi se kuchh bhi pane ki hashrat na thi kyoki ek dusre ka pyar hi kafi tha hum dono ke liye. Ham din raat baatein karte , aksar call, chat aur milte-julte rahte the. Hum dono ke pyar ke baare me pure college ke friends ko pata chal gaya fir dhire-dhire pure colony walon ko bhi pata chal gya. Magar hum pyar karne wale ko isse koi fark nahi pada , humne apne pyar ko isi tarah chalne diya jaisa chal raha tha. Zamane ki parwah na karte hue ek dusre se beintehaan mohabbat jaari raha. Lekin jab ye baat humare ghar walon ko pata chala tab se hum dono ki duniya hi badal gayi. Pari ke bhai ne mujhse kaha meri bahan se dur raho par maine uski baat nahi maani aur usse batein krna jaari rakha fir ek din Pari ke bhai ne mujhpe haath chhod diya . Is baat ka pata chla mere bhaiya ko to usne bhi Pari ke bhai ko bahut peeta. Ab ye hum dono ki family ke liye issue ban chuki thi, Puri colony me ek taraf tha hum dono ka pyar to dusre taraf hum dono ki family. Jhagda ab dono family ke beech suru ho gaya, ye dekh kar hum dono ko bhot bura laga.

Hum dono ki family me ab ladayi aur jhagde hone lage the. hum dono ke pyar ki wajah se, koi nhi chahta tha hum dono baat kare, fir ham dono ne ek aisa decision liya jisse hum dono ek dusre se hamesha ke liye bichhad gaye. Hum dono ne apni-apni family ko kaha ab please band kariye ladayi aur jhagde. Aap log nhi chahte the na hum dono mile aur baat kare.Theek hai aaj se hum dono kabhi nahi milenge aur baat bhi nahi karenge ab please aap log ye sab band karo. Hum dono ke is decision se jhagda to khatam ho gaya aur uske saath humari bachpan ki mohabbat bhi khtam ho gayi. Ab hum dono baat nahi karte, 10 months ho chuke hai. Maine use kabhi call ya message nahi kiya aur usne bhi nahi. Hum dono abhi bhi ek dusre se bhot pyar karte hai magar ye baat alag hai na kabhi ek dusre se mil payenge aur na hi kabhi baat hogi.

Agar aap logo ko ye kahani pasand aayi ho to comment jaroor karen? Aap apne reviews mujhe WhatsApp par +919199007192 bhi bata sakte ho…

Submitted By:- Prince

...