More Hindi Stories  Posts
Roti To Wo Bhi Hogi Zaroor


Baat 23 October 2014 ki hai.. ek wrong number se call aaya tha.. usne kaha ki kya mona hai , aap mona ke bhaiya hain kya,..
Waise to main kisi mona ko nhi janta par uss time meri age 18 ki thi flirting time pass ye sab karta hi tha… To maine kaha nhi wo abhi nhi hai and mona ka bhai ban kar maine usske bare me pta kiya… Mera koi galat irada nhi tha bas main masti kar rha tha.. to pta chala ki wo BHU (banaras hindu university) me padhti hai. Aur mona uski roommate thi jo ghr aayi huyi thi, ladke ka aawaj sun kar usne call pHle hi cut kar diya tha .. ye sab baate hum sms me kar rhe the..

Last me maine use sorry bola aur bta diya ki ye wrong number hai… Wo thoda to angry huyi par jyada serious nhi li… Maine use friendship ke liye puchha usne mna kar diya.. maine zid ki to wo boli wo study me dhyan deti hai ladko se door rahti hai. Koi bhi ladka uska friend nhi hai aur wo friendship karna bhi nhi chahti,

Maine bahot zid ki.. main to chhichhora tha… Aur usi time mera ek breakup hua tha to thoda thoda sad bhi tha.. To zid kiye ja rha tha.. to wo maan gyi pR usne kaha ki wo jyada baate nhi kar payegi… Main maan gya..

Fir hmari friendship huyi aur hum dono ne ek dusre ko jana… (Dosto main uska naam share nhi karunga kyuki wo agar hoti to kabhi allow nhi karti)

Ek do din me hi hmari friendship achhiho gyi… Uske bare me aapko btau to wo jharkhand ke late har district ke ek chhote village ke muslim family se belong karti hai… Aur uske gaaon men ladkiyo ke padhayi ko jyada importance nhi di jati… Usne 10th and 12th private exam de kar complete ki… Uske ghar wale sab educated the isliye use aage padhne ka mauka mila.. uski bua ka ghar varanasi me hai use BHU me admission mil gya … Self study ke dam par wo BHU tak pahuch gyi…

Ye sab jaanne ke baad mere dil me uske liye respect badh gyi.. aur haa wo mujhse 2 year badi thi… Mean tab uski age 20 year thi…

2-3 din me hi achhi friendship ho gyi.. wo mujhe samjhati thi ki achha ladka banu padhayi me dhyan du. Ladkiyo ke chakkar se door rhu… Etc etc etc…

Main hmesha masti karta rahta tha… Friendship itni achhi ho gyi ki hum dono din bhar baate karne lge.. abhi sirf 5 din huye the… Agle din usne call kiya aur boli ki sahid tumhari wajah se hmari study disturb ho rhi hai isliye ab hum baat nhi karenge.. uska ye bahana mujhe thoda jhutha lga to maine usse puchha ki kya ho gya btao kya baat ho gyi hmne kya galat kar diya… Bahot puchhne ke baad usne kaha ki dekho tum bure ladke ho tumhare jaise ladke humko pasand nhi.. par tumse baat kRne ki aadat hoti ja rhi jo hum nhi chahte isliye hum aate nhi karenge.. to maine kaha ki aisa kuchh bhi nhi hai pahli baar kisi ladke se itna baat kar rhi isliye aisa lag rha koi aadat nhi hoga… Friendship hi to hai… Baat karna na chhodo…Mujhe usse baat karna achha lagta tha… Fir wo maan gyi.. aur hmari baate hone lgi… Hum maximum time ek dusre se call me ya sms me baate karte the… Main bhi uske liye kuchh bhi galat nhi feel karta tha…

Friendship gahri ho gyi thi… Abhi jyada din huye bhi nhi the…
Fir ek din 3rd November 2014 jis din diwali thi… Main usse raat me baat kar rha tha .. achanak se usne kaha I Love You.. mere bilkul samajh nhi aaya ye kya kah diya isne.main shocked tha kyuki main soch bhi nhi sakta tha kiye ladki mujhe I love you kahegi… Wo special ladki thi tarde. Aur main aawara.. hmari jodi kahi se bhi fit nhi baithti thi.. mujhe shock lga maine phon cut kar diya.. aur mujhe lga ki main nind me hu aur sapna dekh rha hu . Mujhe bhrosa nhi ho rha tha jo hua usme… Maine phone check kiya to uska number last call me tha tab bhi lag rha tha ki maine kuchh galat suna aisa nhi ho sakta.. maine use dubara call kiya usne cut kiya fir khud se lgaya.. (hmesha usi ka paisa lagta tha baat karne me wo rich family se belong karti thi.. main bhi ghar se bahar rahta tha aur mere paise to masti karne me hi khatm ho jate the to recharge kaha se krata aur jio jaise plan nhi the uss time par)

To uske call kiya maine kaha ki kya jo maine suna wo sahi suna.. wo chup thi… Par uski chuppi me main samajh gya ki meri to diwali ho gyi.. main ye mauka hath se kaise jae deta… Waise to koo khas love feeling nhi thi uss time uske liye… Par uski respect bahot thi… Aur uske jaisi ladki ka milna mere liye bahot khas tha.. maine I love you too kar diya… Hmne poori raat baat ki… Next day main din bhar so rha tha.. fir sham ko market gya tha dosto ke sath ghumne tab uska call aaya.. main bahot khush tha..
Par ye kya usne call kiya aur rone lgi.. mujhe bilkul samajh nhi aa rha tha ki ye kya hi rha hai.. maine usse wajah puchhi to usne rote huye mujhse sorry kaha aur ye boli ki sahid hme maaf kar do. Hum khud ko rok nhi paye pta nhi kaise par tum hme achhe lagne lge aur hme tumse pyar ho gya par sach to ye hai ki hum tumhara sath nhi de payenge kyuki hmara rishta pahle se hi kahi fix ho gya hai.. humne na chahte huye bhi tumhe I love you bol diya… Humse galti ho gyi hme maaf kar do.. hme bita hua kal samajh kar bhul jaao..
Bas yaaro itna sunna tha ki pta nhi kyu mere dil me uske liye bahot sara pyar jaag gya.. main road par isse baat kar rha tha. Wahi mere aankho se aansu nikalne lge.. mujhe lagne lga jaise meri puri duniya hi chhin gyi.. saanse...

karake lgi… Mujhe samajh nhi aa rha tha kya kahu. Maine usse kaha thik hai jo tumhe sahi lge. Main tumhe phone nhi karunga… Aur main apne room me aa gya aur akele me khoob roya… Fir wo raat jaise taise bitati maine..
Fir agle din fir se uska call aaya aur wo ro rhi thi par usne rote huye jo kaha hum usse khush ho gye usne kaha.. sahid hum nhi rah payenge tumhare bina.. hume tumse bahot jyada pyar ho gya hai.. hum tumse baat kiye bina nhi rah payenge.. aur wo ro rhi thi.. hum bahot khush the… Fir hmari love story start huyi… Bahot khush the hum… Hm din bhar baate karte the… Matlab itni baat karte the ki uska bhi collage chhut jata tha aur hmara bhi… Aur dosto maloom sabse maze ki baat kya hai ye blind love tha humne ek dusre ko ek bhi baar nhi dekha tha… Hum chhattisgarh ke rahne wale hain… Aur wo facebook bhi use nhi karti thi..Par pyar bilkul bhi kam nhi tha.. fir ek din humne use dekhne ki zid ki to usne hume apna photo email kiya… Yarr kya dikhti thi wo.. maloom agar kahi hmari love story ki ending shadi se hoti to log yahi kahte langoor ke muh me angoor…

Hum roj baate kiya karte the.. jab call me nhi karte the tab sms me… Par ek chiz thi jo har 2-3 din me hota tha .. wo tha uska rona.. wo hmesha ro deti thi aur kahti thi. Ki sahid hum tumhara life khrab kar rhe hain.. pta nhi hum kab tak sath de payenge… Kyuki family ke against jakar tumse shadi nhi kar payenge.. aur tumse door rahne ka soch bhi nhi sakte… Hum uski in baato se khush hua karte the.. ki koi ladki humse itna pyar karti hai ki hme khone ka soch kar bhi uske aansu nikal aate hain.. kismat walo ko hi milte hain itna pyar karne wale… Silsila aise hi chalta rha…

Wo hmesha try karti thi humse door jane ki kahti thi ki ab kal se baat nhi karenge warna attachment itna badh jayga ki door jana mushkil ho jayga… Raat me ye bol kar phon rakhti aur subah khud phone karke kahti hmse nhi ho payga.. baat kro.. jab tak mumkin hai sath rhenge..

Hme to iski aadat si ho gyi thi… Hm bahot khush the uske sath se…

Par wo manhus din bhi aa hi gya jab wo sach me chhod kar chali gyi. . Wo samajh chuki thi ki door hona aasan nhi hai… Usne pahle bahot koshish ki thi par hmesha khud hi paas chali aati thi…

Uss din usne kaha ki sahid ab aur nhi ho sakta ye sab.. hme ab alag ho jana chahiye… Family ka sochti hu to rona aata hai. Tumse bhi door nhi jana chahti par majboor hu.. family ne hmesha mujhe support kiya hai isliye unhe bhi dhokha nhi de sakti.. tum mujhse pyar karte ho isliye tum mujhe samjho… Maine tumhe kabhi dhokha dene ke bare me nhi socha aur na kabhi tumhara bura chaha… Par qismat me hum dono ka sath nhi hai… Isliye hum dono aaj ek dusre ki kasam khate hain ki ek dusre se dubara contact nhi karenge.. uss din wo ro nhi rhi thi. Balki main ro rha tha… Kyuki main bhi samajh gya tha ki ab sab khatm ho jayga.. meri sari khushi me pta nhi kiski nazar lag gyi .. usne meri hi kasam khayi ki wo dubara contact nhi karegi.. use apne pyar ke upar poora bhrosa tha ki wo meri kasam kabhi nhi todegi… Main na chahte huye bhi uski kasam khaya… Aur uss din hum finally alag ho gye… Uss din main bahot roya tha… Usne jate jate mujhse wada liya ki main uske liye apni zindagi barbad nhi karunga main apne life me aage badhunga.. aur shadi ke baad apni wife ko utna hi pyar dunga jitna use karta hu…

Mere liye uss time kuchh bhi bolna aasan nhi tha.. par maine usse sab wade kiye…

“kitna azeeb manzar tha jab hum bichhde the,
Usne kaha tha door jana hai air rona bhi nhi hai”

Uske phon rakhne ke baad main bacho ki tarah ro rha tha pados me rahne walo tak uss din mera aawaj ja rha tha.. wo din main kabhi nhi bhool sakta.. meri duniya chhin gyi us din mujhse. Maine use khoya jo mujhse beinteha pyar karti thi..

Main use kabhi bewafa nhi kahta..
“Ye sun kar to uske liye ijjat aur bhi badh gyi thi ” ki tumhe chhod sakti hu par ghar walo ko nhi”

Wo sachi thi.. uska pyar bhi sacha tha… Waqt ne hmara sath nhi diya.. hme alag hona pda… Itna time beet gya uske gue.. par use main bhool nhi paya…

Aur na kabhi use blame kar saka ki usne mere sath kuchh galat kiya…

Fir meri life ruk si gyi… Maine collage band kar diya exam bhi nhi diya… Poora saal use yaad karke barbad kiya. Fail ho gya to ghar wapas jana pda… Ab business me lga hu par fail hi ho rha hu… Uske sath sath meri qismat bhi chali gyi… Jaise sab kuchh wahi thi…

Uske jane ke baad maine facebook me ek page bnaya tha “Rote To Wo Bhi Honge Nazre Chura Chura Kar”

Ye page maine uski yaad me bnaya tha.. aj tak main isme shayri post karta hu… Page ke through aur logo se dosti huyi unhone mere jajbaat ko samjha mera sath diya…

Dosto ye meri sachi dastan hai… Kisi pahchan walo se share karke mazak nhi bnana mujhe apni mohabbat ka. Isliye yha post kar rha hu…

Ummeed karta hu kuchh writing mistake ko aap samajh jaoge…

Mera facebook id Sahid Raja Ali ke naam se hai.. main chahta hu ki aap mujhe btaye ki kya hum dono me se koi galat tha, kya kisi ko lagta hai hmne se kisi ne kuchh galat kiya… Kya uska ya mera pyar jhutha tha jo hme alag hona pda.. meri email id sahidshankargarh@gmail.com hai… Mobile number +917089626307. +919926026214 hai. .

Submitted By:- Sahid Raja

...
...



Uploaded By:Cute Love Story
Uploaded By:Hindi Love Story
Uploaded By:Indian Love Story
Uploaded By:Punjabi Love Story
Uploaded By:Urdu Love Story

Related Posts

Leave a Reply

Your email address will not be published. Required fields are marked *

10 Comments on “Roti To Wo Bhi Hogi Zaroor”

  • humme pata he sab ek jeise nahi hote but bann jate he…….. matalb 95% log gande hote he andar se…….. vh bhi pyaar ke mamle me kyu ki pyaar hoga to juth hoga is liye…… pyaar ki Saruaat jhut se hoti he chahe leila ho ya majnu….. bus karo band karo jithi juthi story. post karna…… business par dhayan do… 2 peise milege… vikas hoga

    • Waise yha story post karke mere upar koi book nhi nikal jane wali… Aur sachayi to main janta hu aur mera rab janta hai.. aur wo sab jante hain jo mere kareeb hain.. dil ke kareeb hain.. jinke upar bhrosa hai… Baki to bas andaza hi lga sakte hain

  • Nice story

    • Thankyou

Punjabi Graphics

Indian Festivals

Love Stories

Text Generators

Hindi Graphics

English Graphics

Religious

Seasons

Sports

Send Wishes (Punjabi)

Send Wishes (Hindi)

Send Wishes (English)