ਭਾਰਤੀ ਨਾਗਰਿਕ ਕੋਲੋਂ ਫੇਸਬੁੱਕ ਤੇ ਨਕਲੀ ਇਮੀਗ੍ਰੇਸ਼ਨ ਅਫਸਰ ਬਣ ਕਢਵਾਏ 45000 ਪੀਸੋ – ਜਾਣੋ ਕਿਵੇਂ
ਬਿਊਰੋ ਆਫ਼ ਇਮੀਗ੍ਰੇਸ਼ਨ (ਬੀ.ਆਈ.) ਦੇ ਕਰਮਚਾਰੀ ਇਕ ਆਨਲਾਈਨ ਘੁਟਾਲੇ ਕਰਨ ਵਾਲੀ ਔਰਤ ਨੂੰ ਲੱਭ ਰਹੇ ਹਨ ਜਿਸ ਨੇ ਕਥਿਤ ਤੌਰ ‘ਤੇ ਕਈ ਵਿਦੇਸ਼ੀ ਵਿਦਿਆਰਥੀਆਂ ਨਾਲ ਧੋਖਾ ਕੀਤਾ ਜਿਹਨਾਂ ਨੂੰ ਦਾਖਲੇ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।
ਬੀਆਈ ਕਮਿਸ਼ਨਰ ਜੈਮੇਮ ਮੋਰੇਂਟੇ ਨੇ Liza Perez Tubban ਦੀ ਤਲਾਸ਼ ਦਾ ਆਦੇਸ਼ ਦਿੱਤਾ, ਜਿਸ ਨੇ ਫੇਸਬੁੱਕ ਉੱਤੇ ਆਪਣੇ ਆਪ ਨੂੰ “ਇਮੀਗ੍ਰੇਸ਼ਨ ਸੁਣਵਾਈ ਅਫਸਰ” ਵਜੋਂ ਪੇਸ਼ ਕੀਤਾ ਹੈ।
ਬੀਆਈ ਮੁਖੀ ਨੇ ਕਿਹਾ ਕਿ ਇਹ ਨਾਮ ਨਿਸ਼ਚਤ ਰੂਪ ਵਿੱਚ ਨਕਲੀ ਹੈ ਅਤੇ ਇੱਥੋਂ ਤੱਕ ਕਿ ਇਸ ਔਰਤ ਨੇ ਇੱਕ ਇਮੀਗ੍ਰੇਸ਼ਨ ਦੇ ਮੁਲਾਜ਼ਮ ਦੀ ਤਸਵੀਰ ਨੂੰ ਆਪਣੀ ਪ੍ਰੋਫਾਈਲ ਤਸਵੀਰ ਵਜੋਂ ਇਸਤੇਮਾਲ ਕੀਤਾ ਹੈ।
ਮੋਰੇਂਟੇ ਨੇ ਕਿਹਾ, ਪੀੜਤਾਂ ਵਿਚੋਂ, ਇਕ...
ਭਾਰਤੀ ਨਾਗਰਿਕ ਸੀ , ਜਿਸ ਨੇ ਆਪਣੀ ਦਾਖਲੇ ਦੀ ਸਮੱਸਿਆ ਨੂੰ ਠੀਕ ਕਰਨ ਲਈ, ਉਸ ਔਰਤ ਦੀ ਮਦਦ ਲਈ ਫੇਸਬੁੱਕ ਰਾਹੀਂ ਸੰਪਰਕ ਕੀਤਾ ਸੀ।
ਪਰ ਪੀੜਤ ਨੇ ਕਿਹਾ ਕਿ ਸ਼ੱਕੀ ਵਿਅਕਤੀ ਨੇ ਪੀਸੋ 45,000 ਲੈਣ ਤੋਂ ਬਾਅਦ ਉਸ ਨਾਲ ਸਪੰਰਕ ਕਰਨਾ ਬੰਦ ਕਰ ਦਿੱਤਾ।
ਮੋਰੇਂਟੇ ਨੇ ਕਿਹਾ ਕਿ ਉਹ ਨੈਸ਼ਨਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (ਐਨਬੀਆਈ) ਦੇ ਐਂਟੀ-ਸਾਈਬਰ ਕ੍ਰਾਈਮ ਕੋਲੋਂ ਇਸ ਨੂੰ ਜਲਦੀ ਨਾਲ ਹੱਲ ਕਰਨ ਲਈ ਵੀ ਸਹਾਇਤਾ ਮੰਗਣਗੇ।
ਘੁਟਾਲੇ ਦੀ ਚਿਤਾਵਨੀ ਦਿੰਦਿਆਂ , ਬੀਆਈ ਨੇ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਸ਼ੱਕੀ ਫਿਕਸਰਾਂ ਤੋਂ ਸਾਵਧਾਨ ਰਹਿਣ ਲਈ ਕਿਹਾ।