True And Untold Love Stories
ਬੋਲੀਵੀਆ ਵਾਟਰ ਵਾਰ।
1ਬੋਲੀਵੀਆ ਵਾਟਰ ਵਾਰ। ਤਕਰੀਬਨ ਵੀਹ ਕੁ ਸਾਲ ਪਹਿਲਾਂ ਬੋਲੀਵੀਆ ਦੇਸ਼ ਦੇ ਹਾਕਮਾਂ ਨੇ ਵੀ ਨਿੱਜੀਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਸਭ ਕੁਝ ਨਿੱਜੀ ਹੱਥਾਂ ਵਿੱਚ ਚਲਾ ਗਿਆ ਸੀ। ਇਥੋਂ ਤਕ ਕਿ ਪਾਣੀ ਦੇ ਹੱਕ ਇਕ ਬਹੁ ਕੌਮੀ ਕੰਪਨੀ ਨੇ ਖਰੀਦ ਲਏ। ਪਾਣੀ ਦਾ ਰੇਟ ਇੰਨਾ ਵਧਿਆ, ਲੋਕਾਂ ‘ਚ ਹਾਹਾਕਾਰ ਮੱਚ ਗਈ। ਔਸਤਨ ਅੱਧੀ ਤਨਖਾਹ ਸਭ ਦੀ ਪਾਣੀ ਖਰੀਦਣ ‘ਚ ਖਰਚ ਹੋਣ ਲੱਗੀ। ਲੋਕ ਨਹਿਰਾਂ, ਝੀਲਾਂ ਤੋਂ ਪਾਣੀ ਲਿਆਉਣ ਲੱਗੇ। ਸਰਕਾਰ ਨੇ ਉਥੇ ਨਿੱਜੀ ਕੰਪਨੀ ਦੇ ਕਹਿਣ ਤੇ ਪੁਲਸ ਤੇ ਫੌਜ ਦਾ ਪਹਿਰਾ ਲਗਾ ਦਿੱਤਾ। ਲੋਕ ਵਿਚਾਰੇ ਮੀਹਾਂ ਨੂੰ ਉਡੀਕਦੇ। ਰੱਬ ਸਬੱਬੀ ਮੀਂਹ ਪੈਂਦਾ, ਤਾਂ ਪਾਣੀ ਇਕੱਠਾ ਕਰਦੇ। ਇਹ ਘਾਟਾ ਪੈਂਦਾ ਵੇਖ ਕੇ ਨਿੱਜੀ ਕੰਪਨੀ ਨੇ ਸਰਕਾਰ ਦਾ ਕੰਨ ਫੜ ਕੇ ਹੁਕਮ ਜਾਰੀ ਕਰਵਾਇਆ ਕਿ ਮੀਂਹ ਦਾ ਪਾਣੀ ਇਕੱਠਾ ਕਰਨ ਨੂੰ ਚੋਰੀ ਸਮਝਿਆ ਜਾਵੇਗਾ ਕਿਉਂਕਿ ਇਸ ਪਾਣੀ ਉਤੇ ਵੀ ਕੰਪਨੀ ਦਾ ਹੱਕ ਹੈ। ਚੋਰੀ ਦੇ ਕੇਸ ਦਰਜ ਹੋਣ ਲੱਗੇ । ਫਿਰ ਲੋਕਾਂ ਦੀਆਂ ਅੱਖਾਂ ਖੁਲ੍ਹੀਆਂ, ਜਿਵੇਂ ਹੁਣ ਇਕੱਲੇ ਕਿਸਾਨਾਂ ਦੀਆਂ ਖੁਲੀਆਂ ਹਨ ਬਾਕੀ ਜਨਤਾ ਦੀਆਂ ਅਜੇ ਵੀ ਬੰਦ ਹੀ ਹਨ। ਇਸ ਜੁਲਮ ਵਿਰੁੱਧ ਆਮ ਲੋਕਾਂ ਵੱਲੋਂ ਵੱਡੀ ਮੂਵਮੈਂਟ ਚਲਾਈ ਗਈ, ਜਿਸਨੂੰ ਪਹਿਲਾਂ ਦਬਾਉਣ ਦੀ ਕੋਸ਼ਿਸ਼ ਹੋਈ, ਪਰ ਲੋਕਾਂ ਦੇ ਏਕੇ ਅੱਗੇ ਓਸ MNC ਨੂੰ ਆਪਣਾ ਬੋਰੀ ਬਿਸਤਰਾ ਗੋਲ ਕਰਨਾ ਪਿਆ ਅਤੇ ਪਾਣੀ ਦੀ ਸਪਲਾਈ ਸਥਾਨਕ ਸਰਕਾਰਾਂ ਕੋਲ ਵਾਪਸ ਹੋ ਗਈ ਤੇ ਪੁਰਾਣੇ ਘੱਟ ਰੇਟ ਬਹਾਲ ਹੋ ਗਏ। Bolivia Water War ਲਿਖ ਕੇ ਗੂਗਲ ਕਰ ਕੇ ਹੋਰ ਜਾਣਕਾਰੀ ਲੈ ਸਕਦੇ ਹਾਂ। NCERT ਦੇ 10th ਜਮਾਤ ਦਾ ਇੱਕ ਚੈਪਟਰ ਵੀ ਹੈ।
Write Your Story Here
ਭੂਆ ਦਾ ਪਿੰਡ
ਜਦੋ ਵੀ ਫੌਜ ਚੋਂ ਛੁੱਟੀ ਆਉਂਦੇ ਸੀ ਪਿਤਾ ਜੀ ਭੂਆ ਦੇ ਪਿੰਡ ਜਰੂਰ ਲਿਜਾਂਦੇ ਸੀ ।ਸ਼ਾਇਦ ਇਸ ਲਈ ਕਿਉਂਕਿ ਭੂਆ ਜੀ ਦੇ ਕੋਈ ਬੱਚਾ ਨਹੀਂ ਸੀ ।ਪਰ ਸਾਡਾ ਦਿਲ ਭੂਆ ਕੋਲ ਬਹੁਤ ਲਗਦਾ ਸੀ ।ਫੁਫੜ ਜੀ ਖੇਤੀ ਕਰਦੇ ਸਨਉਹਨਾਂ ਦੇ ਇੱਕ ਸਾਂਝੀਂ ਹੁੰਦਾ ਸੀ ਉਸ ਦਾ ਨਾਂ ਭੋਲਾ ਸੀ ਅਸੀਂ ਉਸ ਦੇ ਨਾਲ ਖੇਲਦੇ ਰਹਿੰਦੇ ਅਤੇ ਉਸ ਦੇ ਕੰਮ ਵਿੱਚ ਮੱਦਦ ਵੀ ਕਰ ਦਿੰਦੇ ਸੀ ।ਇਕ ਦਿਨ ਕੀ ਹੋਇਆ ਅਸੀਂ ਸਾਰਿਆਂ ਨੇ ਸਲਾਹ ਬਣਾਈ ਕਿ ਅੱਜ ਮੰਗਫ਼ਲੀ ਭੁੰਨੀ ਜਾਵੇ ਭੂਆ ਜਿਸ ਤਰਾਂ ਹੀ ਘਰੋਂ ਬਾਹਰ ਕਿਸੇ ਕੰਮ ਲਈ ਗਏ ਅਸੀਂ ਲੋਹੇ ਦੀ ਕੜਾਹੀ ਚੂਲੇ ਤੇ ਰੱਖ ਲਈ ਅਤੇ ਮੰਗਫ਼ਲੀ ਭੁੰਨਣੀ ਸ਼ੁਰੂ ਕਰ ਦਿੱਤੀ ਅੱਗ ਬਹੁਤ ਤੇਜ ਸੀ ਖੁਰਚਣਾ ਕੜਾਹੀ ਵਿੱਚੋ ਨਿੱਕਲ ਗਿਆ ਅਸੀਂ ਸਾਰੇ ਡਰ ਗਏ ਜਲਦੀ ਜਲਦੀ ਕੜਾਹੀ ਚੂਲੇ ਤੋਂ ਲਾਹੀ ਅਤੇ ਲਕੋ ਦਿੱਤੀ ਅਤੇ ਦੂਸਰੀ ਵਿੱਚ ਮੰਗਫ਼ਲੀ ਪਾਈ ਅਤੇ ਭੁੰਨਣੀ ਸ਼ੁਰੂ ਕਰ ਦਿਤੀ ।ਪਰ ਰੱਬ ਨੂੰ ਕੁੱਝ ਹੋਰ ਹੀ ਮਨਜ਼ੂਰ ਸੀ ਇਸ ਵਿੱਚੋ ਵੀ ਖੁਰਚਨਾ ਨਿਕਲ ਗਿਆ ਪਰ ਇਸ ਵਾਰੀ ਬਿਲਕੁਲ ਜਰਾ ਜਿਹਾ ਪਰ ਮੰਗਫ਼ਲੀ ਭੁੰਨ ਗਈ ਸੀ ਸਭ ਨੇ ਬੈਠ ਕੇ ਖਾਧੀ ਅਤੇ ਗੱਲਾਂ ਵੀ ਮਾਰੀਆਂ ਕੁਝ ਦਿਨਾਂ ਬਾਅਦ ਦਸਮੀ ਕਰਨੀ ਸੀ ਪ੍ਰਸਾਦ ਬਨਾਉਣ ਵਾਸਤੇ ਜਦੋ ਭੂਆ ਨੇ ਕੜਾਹੀ ਚੱਕੀ ਤਾਂ ਹੈਰਾਨ ਹੋ ਗਈ ਪਰ ਉਹ ਕੁਝ ਨਹੀਂ ਬੋਲੀ ਅਤੇ ਅੰਦਰੋ ਦੂਸਰੀ ਲੈਣ ਚਲੀ ਗਈ ਦੂਸਰੀ ਵਿੱਚ ਮੋਰੀ ਘਟ ਸੀ ਉਹਨਾਂ ਨੂੰ ਦਿਖਾਈ ਨਹੀਂ ਦਿੱਤੀ ਅਤੇ ਉਹਨਾਂ ਨੇ ਘਿਓ ਪਾ ਦਿੱਤਾ ਬਸ ਫਿਰ ਕੀ ਹੋਣਾ ਸੀ ਗਾਲਾਂ ਘਿਓ ਦੀਆਂ ਲਾਲਾ ਅੱਜ ਵੀ ਉਹ ਦਿਨ ਨਹੀਂ ਭੁੱਲਦਾ ਅੱਜ ਵੀ ਜਦੋ ਭੂਆ ਦੀ ਯਾਦ ਆਉਦੀ ਹੈ ਤਾਂ ਇਹ ਵਾਕਿਆ ਯਾਦ ਆ ਜਾਂਦਾ ਹੈ ਤੁਸੀਂ ਮੇਰੇ ਬਾਪ ਦੀ ਵਾੜੀ ਹੋ ਤੁਹਾਨੂੰ ਪਿਆਰ ਨਹੀਂ ਕਰੂੰਗੀ ਤਾਂ ਕਿਸ ਨੂੰ ਕਰੂੰਗੀ ।
Write Your Story Here
ਚੋਭਾਂ
1ਬੇਸ਼ਕ ਸਵੇਰੇ ਜਲਦੀ ਤਿਆਰ ਹੋ ਸਰਕਾਰੀ ਹਸਪਤਾਲ ਪਹੁੰਚ ਗਏ, ਪਰ ਫਿਰ ਵੀ ਲਾਈਨ ਕਾਫ਼ੀ ਲੱਗੀ ਹੋਈ ਸੀ।ਅਮਨ ਵੱਲ ਵੇਖ ਮਨ ਚਿੰਤਤ ਜਿਹਾ ਹੋ ਗਿਆ, ਪਰ ਉਹ ਬਿਨਾਂ ਬੋਲੇ ਜਲਦੀ ਜਲਦੀ ਲਾਈਨ ਵਿੱਚ ਲੱਗ ਗਈ।ਅੱਧੇ ਘੰਟੇ ਤੋਂ ਉੱਪਰ ਹੋ ਗਿਆ, ਪਰ ਹਾਲੇ ਡਾਕਟਰ ਵੀ ਨਹੀਂ ਆਈ ਸੀ।ਮੈਂ ਥੋੜ੍ਹੀ ਦੂਰ ਖੜ੍ਹਾ ਰਿਹਾ।ਮੇਰਾ ਸਾਰਾ ਧਿਆਨ ਅਮਨ ਵੱਲ ਹੀ ਸੀ।ਨਾਲ ਹੀ ਕੁਰਸੀ ‘ਤੇ ਬੈਠੇ ਬਜ਼ੁਰਗ ਨੇ ਮੈਨੂੰ ਦੋ ਤਿੰਨ ਵਾਰ ਬੈਠਣ ਦਾ ਇਸ਼ਾਰਾ ਕੀਤਾ।ਪਰ ਮੈਂ ਹਰ ਵਾਰ ਮਨ੍ਹਾਂ ਕਰ ਦਿੰਦਾ।ਪੰਜਵਾਂ ਮਹੀਨਾ ਚੱਲ ਰਿਹਾ ਸੀ। ਇਸੇ ਲਈ ਡਾਕਟਰ ਤੋਂ ਚੈੱਕਅਪ ਲਈ ਆਏ ਸੀ।ਤਕਰੀਬਨ ਡੇਢ ਘੰਟੇ ਦੀ ਜੱਦੋ ਜਹਿਦ ਬਾਅਦ ਅਮਨ ਦਵਾਈ ਲੈ ਮਸੀਂ ਬਾਹਰ ਆਈ।ਥੋੜ੍ਹੀ ਤਕਲੀਫ਼ ਵਿੱਚ ਸੀ, ਪਰ ਮੇਰੇ ਕੋਲ ਆ ਮੁਸਕਰਾ ਬੋਲੀ…..ਤੁਸੀਂ ਕਦੋਂ ਦੇ ਖਡ਼੍ਹੇ ਹੋ, ਬਾਪੂ ਜੀ ਨੇ ਵੀ ਤੁਹਾਨੂੰ ਕਿੰਨਾ ਕਿਹਾ ਸੀ ਬੈਠਣ ਲਈ, ਪਰ ਬੈਠੇ ਕਿਓਂ ਨਹੀਂ? ਕਰਮਾਂ ਵਾਲੀਏ, ਤੇਰੀਆਂ ਚੋਭਾਂ ਦਾ ਦਰਦ ਕੁਝ ਸਮੇਂ ਲਈ ਆਪਣੇ ਵਜੂਦ ‘ਤੇ ਹੰਢਾ ਕੇ ਵੇਖ ਰਿਹਾ ਸੀ ‘ਤੇ ਅਹਿਸਾਸ ਹੋਇਆ ਕੇ ਤੇਰੀ ਇਸ ਤਕਲੀਫ ਨੂੰ ਮਹਿਸੂਸ ਕਰਨ ਦੇ ਤਾਂ ਮੈਂ ਕਾਬਲ ਵੀ ਨਹੀਂ ,ਅਜਿਹੀ ਹਾਲਤ ਵਿੱਚ ਜੇ ਤੂੰ ਘੰਟਿਆਂ ਬੱਧੀ ਖੜ ਸਕਦੀ ਏਂ, ਤਾਂ ਮੈਂ ਕਿਵੇਂ ਬੈਠ ਸਕਦਾ ਹਾਂ।ਅਮਨ ਨੇ ਘੁੱਟ ਹੱਥ ਫੜ ਲਿਆ।ਚਾਰੇ ਪਾਸੇ ਮਿੱਠੀ ਜਿਹੀ ਚੁੱਪ ਪਸਰ ਗਈ ‘ਤੇ ਪਤਾ ਹੀ ਨਹੀਂ ਲੱਗਾ ਕਦ ਹਸਪਤਾਲੋਂ ਬਾਹਰ ਨਿਕਲ ਗਏ। ਕੁਲਵੰਤ ਘੋਲੀਆ 95172-90006
Write Your Story Here
ਸ਼ਰਮ
1ਤਕਰੀਬਨ ਸੱਠ ਕਿਲੋਮੀਟਰ ਦੂਰ ਨਿੱਕੇ ਜਿਹੇ ਕਸਬੇ ਦੇ ਇੱਕ ਰੇਸਟੌਰੈਂਟ ਵਿਚ ਲਾਈਨ ਵਿਚ ਲੱਗ ਗਿਆ..! ਅੱਗੇ ਖਲੋਤੇ ਗੋਰੇ ਦੇ ਨਾਲ ਦੋ ਨਿੱਕੇ ਨਿਆਣੇ ਵੀ ਸਨ..ਵਾਰੀ ਆਈ ਤਾਂ ਨਿੱਕੀ ਕੁੜੀ ਨੇ ਇੱਕ ਆਈਸ ਕਰੀਮ ਆਡਰ ਕਰ ਦਿੱਤੀ..ਉਸਦਾ ਭਰਾ ਸ਼ਾਇਦ ਆਈਸ ਕਰੀਮ ਦੇ ਨਾਲ ਕੁਝ ਹੋਰ ਵੀ ਲੈਣਾ ਚਾਹੁੰਦਾ ਸੀ..! ਪਿਓ ਆਖਣ ਲੱਗਾ ਕੇ ਪਿੱਛੇ ਲੰਮੀ ਲਾਈਨ ਲੱਗੀ ਏ..ਛੇਤੀ ਦੱਸ ਕੀ ਲੈਣਾ..ਪਿਓ ਨੂੰ ਸੈਨਤ ਮਾਰ ਕੰਨ ਕੋਲ ਕਰਨ ਨੂੰ ਆਖਿਆ..ਗੋਰਾ ਥੋੜਾ ਥੱਲੇ ਝੁਕਿਆ ਅਤੇ ਉਸਦੀ ਗੱਲ ਸੁਣ ਫੇਰ ਨਾਂਹ ਵਿਚ ਸਿਰ ਮਾਰਦਾ ਹੋਇਆ ਮੁੜ ਸਿੱਧਾ ਖਲੋ ਗਿਆ ਤੇ ਆਖਣ ਲੱਗਾ “ਪੁੱਤਰਾ ਮੈਂ ਸਿਰਫ ਇੱਕ ਆਈਸ ਕਰੀਮ ਹੀ ਅਫ਼ੋਰ੍ਡ ਕਰ ਸਕਦਾ ਹਾਂ..ਅਤੇ ਜੇ ਮੈਂ ਤੈਨੂੰ ਕੁਝ ਹੋਰ ਲੈ ਕੇ ਵੀ ਦਿੰਦਾ ਹਾਂ ਤਾਂ ਇਹ ਤੇਰੀ ਭੈਣ ਨਾਲ ਵੱਡੀ ਨਾਇਨਸਾਫੀ ਹੋਵੇਗੀ..! ਮੁੰਡਾ ਥੋੜਾ ਗੁੱਸੇ ਜਿਹਾ ਹੋ ਗਿਆ ਤੇ ਗੋਰਾ ਪੈਸੇ ਦੇਣ ਵਿਚ ਰੁਝ ਗਿਆ..! ਇਸਤੋਂ ਅਗਲੀ ਗੱਲ ਨੇ ਮੇਰੇ ਲੂ ਕੰੜੇ ਖੜੇ ਕਰ ਦਿੱਤੇ..ਨਿੱਕੀ ਜਿਹੀ ਕੁੜੀ ਗੁੱਸੇ ਹੋ ਗਏ ਭਰਾ ਨੂੰ ਸਮਝਾਉਂਦੀ ਹੋਈ ਆਖਣ ਲੱਗੀ ਕੇ ਤੈਨੂੰ ਪਤਾ ਡੈਡ ਨੂੰ ਕਿੰਨਾ ਕੰਮ ਕਰਨਾ ਪੈਂਦਾ ਏ..ਉਹ ਸੁਵੇਰੇ ਨਿੱਕਲ ਜਾਂਦਾ ਏ ਤੇ ਆਥਣੇ ਦਿਨ ਢਲੇ ਵਾਪਿਸ ਮੁੜਦਾ ਏ..ਜਦੋਂ ਤੂੰ ਖੁਦ ਕਮਾਉਣ ਜੋਗਾ ਹੋ ਜਾਵੇਂਗਾ ਤਾਂ ਬੇਸ਼ੱਕ ਜਿੰਨੀਆਂ ਮਰਜੀ ਕੁਲਫੀਆਂ ਲੈ ਲਵੀਂ..ਪਰ ਹੁਣ ਡੈਡ ਨਾਲ ਨਰਾਜ ਨਾ ਹੋ..! ਮੁੰਡੇ ਨੇ ਘੜੀ ਪਲ ਲਈ ਕੁਝ ਸੋਚਿਆ..ਫੇਰ ਭੈਣ ਨੂੰ ਸੌਰੀ ਆਖ ਕੁਲਫੀ ਖਾਣ ਵਿਚ ਰੁਝ ਗਿਆ..! ਇਹ ਵਾਰਤਾਲਾਪ ਸੁਣ ਜ਼ਿਹਨ ਵਿਚ ਖਿਆਲਾਂ ਦੀਆਂ ਕਈ ਸੁਨਾਮੀਆਂ ਆਪ ਮੁਹਾਰੇ ਹੀ ਵਗ ਤੁਰੀਆਂ..ਜੀ ਕੀਤਾ ਕੇ ਉਸ ਕੁੜੀ ਨੂੰ ਆਪਣੇ ਨਾਲ ਲਵਾਂ ਤੇ ਆਪਣੇ ਲੋਕਾਂ ਸਾਮਣੇ ਖਲਿਆਰ ਦੇਵਾਂ ਤੇ ਆਖਾਂ ਕੇ ਧੀਏ ਜਿਹੜੀ ਗੱਲ ਤੂੰ ਹੁਣੇ ਹੁਣੇ ਆਪਣੇ ਵੱਡੇ ਵੀਰ ਨੂੰ ਆਖ ਕੇ ਹਟੀਂ ਏਂ..ਮੇਰੀ ਕੌਮ ਦੇ ਲੋਕਾਂ ਨੂੰ ਵੀ ਇੱਕ ਵੇਰ ਉਚੀ ਉਚੀ ਆਖ ਸੁਣਾ ਦੇਵੇ..! ਸ਼ੌਕੀਨੀ ਅਤੇ ਦਿਖਾਵੇ ਵਾਲੀਆਂ ਲੱਗ ਤੁਰੀਆਂ ਕਿੰਨੀਆਂ ਸਾਰੀਆਂ ਦੌੜਾਂ ਵਿਚ ਕੌਮ ਦਾ ਗਰਕ ਹੋ ਜਾਣਾ ਲਗਪਗ ਨਿਸ਼ਚਿਤ ਹੋ ਗਿਆ ਲੱਗਦਾ ਏ..ਦੂਜੇ ਪਾਸੇ ਸਰਫ਼ੇ ਦੀ ਔਲਾਦ ਦੇ ਮਜਬੂਰ ਮਾਪੇ ਜੁਆਨ ਔਲਾਦ ਦੀਆਂ ਹਰ ਜਾਇਜ ਨਜਾਇਜ ਖਾਹਿਸ਼ਾਂ ਨੂੰ Continue Reading…
Write Your Story Here
ਬਾਬਾ ਜੀ
1ਲੰਮੇ ਦਾਹੜੇ ਵਾਲੇ ਬਾਬਾ ਜੀ ਦੀ ਨਹਿਰ ਦੇ ਪੁਲ ਕੋਲੋਂ ਨਿੱਕਲਦੀਆਂ ਦੋ ਲਿੰਕ ਸੜਕਾਂ ਦੇ ਐਨ ਵਿਚਕਾਰ ਸਕੂਟਰ ਰਿਪੇਅਰ ਦੀ ਦੁਕਾਨ ਹੋਇਆ ਕਰਦੀ ਸੀ..! ਹਮੇਸ਼ਾਂ ਸਿਮਰਨ ਕਰਦੇ ਰਹਿੰਦੇ ਤੇ ਨਾਲ ਨਾਲ ਕੋਲ ਵਗਦੀ ਨਹਿਰ ਵੱਲ ਪੂਰੀ ਬਿੜਕ ਵੀ ਰੱਖਿਆ ਕਰਦੇ..! ਕਦੇ ਕਦਾਈਂ ਜਿੰਦਗੀ ਤੋਂ ਅੱਕ ਚੁੱਕਿਆ ਕੋਈ ਨਿਰਾਸ਼ ਪ੍ਰਾਣੀ ਜਦੋਂ ਨਹਿਰ ਕੰਢੇ ਬੈਠ ਜਿੰਦਗੀ ਮੌਤ ਦੀ ਕਸ਼ਮਕਸ਼ ਵਿਚ ਜੂਝ ਰਿਹਾ ਹੁੰਦਾ ਬਾਬਾ ਜੀ ਨੂੰ ਝੱਟ ਹੀ ਸੁੱਝ ਜਾਇਆ ਕਰਦੀ..! ਫੇਰ ਸਾਰੇ ਕੰਮ ਛੱਡ ਅਛੋਪਲੇ ਜਿਹੇ ਕੋਲ ਜਾ ਬੈਠਦੇ ਤੇ ਮੁੜ ਗਲਵੱਕੜੀ ਵਿਚ ਲੈ ਲਿਆ ਕਰਦੇ..! ਫੇਰ ਹਮਦਰਦੀ ਦਾ ਐਸਾ ਦਰਿਆ ਵਗਦਾ ਕੇ ਅਗਲਾਂ ਮਰਨ ਮਾਰਨ ਦੀ ਸੌਦੇਬਾਜੀ ਕਰਦਾ ਹੋਇਆ ਇੱਕਦਮ ਜਿੰਦਗੀ ਵੱਲ ਮੁੜ ਆਇਆ ਕਰਦਾ! ਫੌਜ ਵਿਚੋਂ ਪੈਨਸ਼ਨ ਆਏ ਕਿਸੇ ਵੇਲੇ ਚੋਟੀ ਦੇ ਤੈਰਾਕ ਹੋਇਆ ਕਰਦੇ ਸਨ..! ਅਗਲੇ ਨੇ ਭਾਵੇਂ ਜਿੰਨੇ ਮਰਜੀ ਡੂੰਘੇ ਪਾਣੀ ਵਿਚ ਛਾਲ ਮਾਰੀ ਹੋਵੇ..ਮਿੰਟਾਂ-ਸਕਿੰਟਾਂ ਵਿਚ ਹੀ ਆਪਣੀਆਂ ਫੌਲਾਦੀ ਬਾਹਵਾਂ ਨਾਲ ਸ਼ੂਕਦੀਆਂ ਲਹਿਰਾਂ ਨੂੰ ਚੀਰਦੇ ਹੋਏ ਮੌਤ ਨੂੰ ਗਲ਼ ਲਾਉਣ ਦੀ ਤਿਆਰੀ ਕਰਦੇ ਹੋਏ ਨੂੰ ਕੰਢੇ ਤੇ ਖਿੱਚ ਲਿਆਂਉਂਦੇ..! ਕਈਆਂ ਪਿਆਰ ਵਿਚ ਧੋਖੇ ਖਾਦੇ ਹੁੰਦੇ..ਕੋਈ ਕਲੇਸ਼ ਦਾ ਮਾਰਿਆ ਹੁੰਦਾ..ਕੋਈ ਗੁਰਬਤ ਅਤੇ ਬੇਰੁਜਗਾਰੀ ਤੋਂ ਆਤਰ ਹੋਇਆ ਸਦੀਵੀਂ ਨੀਂਦ ਸੌਣਾ ਲੋਚਦਾ..ਕੋਈ ਕਿਸੇ ਨਾਮੁਰਾਦ ਬਿਮਾਰੀ ਤੋਂ ਪੀੜਤ ਹੁੰਦਾ..ਅਤੇ ਕੋਈ ਸਮਾਜ ਦਾ ਦੁਤਕਾਰਿਆ ਹੋਇਆ..! ਕੰਢੇ ਤੇ ਖਿੱਚ ਕੇ ਲਿਆਂਦਾ ਸਭ ਤੋਂ ਪਹਿਲਾਂ ਬਾਬਾ ਜੀ ਨੂੰ ਉਲ੍ਹਾਮਾਂ ਦਿੰਦਾ..”ਮੈਨੂੰ ਬਚਾਇਆ ਕਾਹਨੂੰ ਏ..ਮਰ ਜਾਣ ਦਿੰਦੇ”..ਫੇਰ ਰੋ ਪਿਆ ਕਰਦਾ..ਤੇ ਅਖੀਰ ਆਪਣਾ ਸਾਰਾ ਦੁੱਖ-ਦਰਦ ਓਹਨਾ ਸਾਹਵੇਂ ਫਰੋਲ ਮਾਰਦਾ..! ਬਾਬਾ ਜੀ ਨੂੰ ਜਦੋਂ ਮਹਿਸੂਸ ਹੁੰਦਾ ਕੇ ਉਸਦੇ ਮਨ ਦਾ ਭਾਰ ਥੋੜਾ ਹੌਲਾ ਜਿਹਾ ਹੋ ਗਿਆ ਏ ਤਾਂ ਫੇਰ ਉਸਨੂੰ ਜੱਫੀ ਵਿਚ ਲੈ ਕੇ ਗੁਰਬਾਣੀ ਦੇ ਹਵਾਲੇ ਦਿੰਦੇ ਹੋਏ ਜਿੰਦਗੀ ਜਿਊਣ ਦਾ ਮੰਤਵ ਸਮਝਾਉਂਦੇ..ਫੇਰ ਅਕਾਲ ਪੁਰਖ ਵੱਲੋਂ ਰਚਿਆ ਦੁਖਾਂ ਸੁਖਾਂ ਦਾ ਵੱਡਾ ਸਾਰਾ ਚੱਕਰ ਵਿਊ ਉਸਦੇ ਦਿਮਾਗ ਵਿਚ ਪਾ ਕੇ ਹੀ ਸਾਹ ਲੈਂਦੇ! ਥੋੜੀ ਦੇਰ ਮਗਰੋਂ ਅਗਲੇ ਦਾ ਪਰਿਵਾਰ ਵੀ ਅੱਪੜ ਜਾਇਆ ਕਰਦਾ ਤੇ ਅਗਲਾ ਹੱਸਦਾ ਹੋਇਆ ਆਪਣੇ ਰਾਹ ਪੈਂਦਾ..! ਉਸ ਦਿਨ ਵੀ ਕਾਹਲੀ ਨਾਲ ਬਸ ਉੱਤਰੇ ਇੱਕ ਨੌਜੁਆਨ ਨੇ ਝੱਟ ਪਾਣੀ ਵਿਚ ਛਲਾਂਗ ਮਾਰ ਦਿੱਤੀ..ਬਾਬਾ ਜੀ ਅਜੇ Continue Reading…
Write Your Story Here
ਫਿਲਪੀਨਜ਼ ਵਿਚ 55 ਹੋਰ ਡੈਲਟਾ ਵੇਰੀਐਂਟ ਕੇਸ ਮਿਲੇ , ਕੁੱਲ ਕੇਸ ਹੋਏ 119
ਮਨੀਲਾ, ਫਿਲੀਪੀਨਜ਼ – ਫਿਲਪੀਨ ਦੇ ਸਿਹਤ ਅਧਿਕਾਰੀਆਂ ਨੇ ਐਤਵਾਰ ਨੂੰ ਕੋਵਿਡ -19 ਦੇ ਬਹੁਤ ਜ਼ਿਆਦਾ ਪ੍ਰਸਾਰਿਤ ਡੈਲਟਾ ਵੇਰੀਐਂਟ ਦੇ 55 ਹੋਰ ਕੇਸਾਂ ਦਾ ਪਤਾ ਲਗਾਇਆ ਜਿਸ ਨਾਲ ਦੇਸ਼ ਦੀ ਕੁਲ ਗਿਣਤੀ 119 ਹੋ ਗਈ ਹੈ। ਸਿਹਤ ਵਿਭਾਗ ਨੇ ਕਿਹਾ ਕਿ ਇਨ੍ਹਾਂ ਵਿੱਚੋਂ 37 ਸਥਾਨਕ ਕੇਸ ਹਨ, ਜਦੋਂ ਕਿ 17 ਵਿਦੇਸ਼ ਤੋਂ ਆਏ ਫਿਲਪੀਨੋ ਹਨ। ਅਧਿਕਾਰੀ ਅਜੇ ਵੀ ਇਸ ਦੀ ਪਛਾਣ ਕਰ ਰਹੇ ਹਨ ਕਿ ਕੀ ਬਾਕੀ ਬਚਿਆ ਇੱਕ ਕੇਸ ਕੋਈ ਸਥਾਨਕ ਕੇਸ ਹੈ ਜਾਂ ਵਿਦੇਸ਼ ਦਾ ਵਿਅਕਤੀ। ਡੀਓਐਚ ਨੇ ਅੱਗੇ ਕਿਹਾ ਕਿ ਨਵੇਂ ਸਥਾਨਕ ਮਾਮਲਿਆਂ ਵਿਚੋਂ, 14 ਕੈਲਬਰਜ਼ੋਨ ਦੇ ਹਨ ਜਦੋਂ ਕਿ ਅੱਠ ਉੱਤਰੀ ਮਿੰਡਾਨਾਓ ਦੇ ਹਨ। ਇਸ ਦੌਰਾਨ ਛੇ ਮੈਟਰੋ ਮਨੀਲਾ ਵਿਚ , ਛੇ ਕੇਂਦਰੀ ਲੂਜ਼ੋਨ ਵਿਚ, ਦੋ ਦਾਵਾਓ ਖੇਤਰ ਵਿਚ ਅਤੇ ਇਕ ਇਲੋਕੋਸ ਖੇਤਰ ਵਿਚ ਪਾਇਆ ਗਿਆ। ਸਿਹਤ ਏਜੰਸੀ ਨੇ ਇਹ ਵੀ ਦੱਸਿਆ ਕਿ ਅਤਿਰਿਕਤ ਮਾਮਲਿਆਂ ਵਿਚੋਂ ਇਕ ਦੀ ਮੌਤ ਹੋ ਗਈ ਹੈ. ਇਸ ਨਾਲ ਮੌਤਾਂ ਦੀ ਗਿਣਤੀ ਚਾਰ ਹੋ ਗਈ ਹੈ। ਡੈਲਟਾ ਦੀ ਲਾਗ ਤੋਂ ਇਲਾਵਾ, ਫਿਲੀਪੀਨਜ਼ ਵਿੱਚ ਬੇਟਾ ਦੇ 179 ਨਵੇਂ ਕੇਸ ਸਾਹਮਣੇ ਆਏ, ਜੋ ਦੱਖਣੀ ਅਫਰੀਕਾ ਵਿੱਚ ਪਹਿਲਾਂ ਪਤਾ ਲੱਗਿਆ ਸੀ ।
Write Your Story Here
ਬਾਬਾ ਬੁੱਢਾ ਜੀ
ਬਹੁਤੇ ਲੋਕ ਬਾਬਾ ਬੁੱਢਾ ਜੀ ਨੂੰ ਸਿਰਫ ਗੰਢਾ ਭੰਨਣ ਵਾਲੀ ਸਾਖੀ ਨਾਲ ਹੀ ਜਾਣਦੇ ਹਨ ਪਰ ਆਓ ਜਾਣੀਏ ਓਹਨਾਂ ਦੀ ਮਹਾਨਤਾ ਬਾਰੇ ਧੰਨ ਧੰਨ ਬਾਬਾ ਬੁੱਢਾ ਜੀ – ਸਿੱਖ ਪਰੰਪਰਾ ਵਿਚ ਬਾਬਾ ਬੁੱਢਾ ਦਾ ਸਤਿਕਾਰਯੋਗ ਸਥਾਨ ਹੈ। ਬਾਬਾ ਬੁੱਢਾ ਇਕੱਲੇ ਐਸੇ ਵਿਅਕਤੀ ਸਨ ਜਿੰਨ੍ਹਾਂ ਨੇ ਗੁਰੂ ਨਾਨਕ ਦੇਵ, ਗੁਰੂ ਅੰਗਦ ਦੇਵ, ਗੁਰੂ ਅਮਰ ਦਾਸ, ਗੁਰੂ ਰਾਮ ਦਾਸ, ਗੁਰੂ ਅਰਜਨ ਦੇਵ, ਗੁਰੂ ਹਰਿਗੋਬਿੰਦ ਤੇ ਗੁਰੂ ਹਰਿ ਰਾਇ ਤੇ ਗੁਰੂ ਤੇਗ ਬਹਾਦਰ, ਭਾਵ ਅੱਠਾਂ ਪਾਤਸ਼ਾਹੀਆਂ ਦੇ ਨਾਂ ਸਿਰਫ਼ ਦਰਸ਼ਨ ਕੀਤੇ ਸਗੋਂ ਪੰਜ ਪਾਤਸ਼ਾਹੀਆਂ ਨੂੰ ਆਪਣੇ ਹੱਥਾਂ ਨਾਲ ਗੁਰਤਾ ਗੱਦੀ ਦੇ ਤਿਲਕ ਲਗਾਉਣ ਦਾ ਮਾਣ ਵੀ ਪ੍ਰਾਪਤ ਹੈ। ਬਾਬਾ ਬੁੱਢਾ ਦਾ ਜਨਮ 1506 ਈ 6 ਅਕਤੂਬਰ ਦਿਨ ਮੰਗਲਵਾਰ ਨੂੰ ਭਾਈ ਸੁੱਖਾ ਦੇ ਘਰ ਮਾਤਾ ਗੌਰਾ ਦੀ ਕੁੱਖੋਂ ਪਿੰਡ ਕਥੂਨੰਗਲ ਜ਼ਿਲ੍ਹਾ ਅੰਮ੍ਰਿਤਸਰ ਵਿਖੇ ਹੋਇਆ। ਉਨ੍ਹਾ ਦਾ ਬਚਪਨ ਦਾ ਨਾਂ ਬੂੜਾ ਸੀ ਅਤੇ ਬਚਪਨ ਕਥੂਨੰਗਲ ਹੀ ਬੀਤਿਆ। ਬਾਅਦ ਵਿਚ ਮਾਤਾ ਪਿਤਾ ਨਾਲ ਪਿੰਡ ਰਮਦਾਸ ਵਿਚ ਆ ਵੱਸੇ। ਉਸ ਸਮੇਂ ਉਹ 12 ਸਾਲਾਂ ਦੇ ਸਨ। ਜਦੋਂ ਜਗਤ ਗੁਰੂ ਨਾਨਕ ਦੇਵ ਵਿਚਰਦੇ ਹੋਏ ਬੂੜਾ ਦੇ ਪਿੰਡ ਵੱਲ ਆਏ ਤਾਂ ਇਹ ਪਸ਼ੂ ਚਾਰਦੇ ਹੋਏ, ਪ੍ਰੇਮ ਭਾਵ ਨਾਲ ਗੁਰੂ ਦੀ ਸੇਵਾ ਵਿਚ ਦੁੱਧ ਦਾ ਛੰਨਾ ਲੈ ਕੇ ਹਾਜ਼ਰ ਹੋਏ। ਬੜੀਆਂ ਹੀ ਵਿਵੇਕ ਵਿਰਾਗ ਦੀਆਂ ਗੱਲਾਂ ਸੁਣਾਈਆਂ। ਸਤਿਗੁਰੂ ਨੇ ਫਰਮਾਇਆ ਕਿ ਤੇਰੀ ਉਮਰ ਭਾਵੇਂ ਛੋਟੀ ਹੈ ਪਰ ਸਮਝ ਕਰ ਕੇ ਬੁੱਢਾ ਹੈਂ। ਉਸ ਦਿਨ ਤੋਂ ਉਨ੍ਹਾਂ ਦਾ ਨਾਂ ਬੁੱਢਾ ਪ੍ਰਸਿੱਧ ਹੋਇਆ। ਬਾਬਾ ਬੁੱਢਾ ਨੇ ਸਿੱਖੀ ਧਾਰਨ ਕਰ ਕੇ ਆਪਣਾ ਜੀਵਨ ਸਿੱਖਾਂ ਲਈ ਨਮੂਨਾ ਬਣਾਇਆ ਅਤੇ ਗੁਰੂ ਘਰ ਵਿਚ ਵੱਡਾ ਮਾਣ ਪਾਇਆ। ਉਹ ਗੁਰੂ ਹਰਿਗੋਬਿੰਦ ਸਾਹਿਬ ਦੇ ਸਮੇਂ ਤੱਕ ਜਿਉਂਦੇ ਰਹੇ। ਆਉ ਦੋਸਤੋ .. !! ਓਸ ਮਹਾਨ ਸਿੱਖ ਬਾਬਾ ਜੀ ਨੂੰ ਸਤਿਕਾਰ ਦੇਈਏ ਅਤੇ ਆਪਣੇ ਦੋਸਤਾਂ ਮਿੱਤਰਾਂ ਨਾਲ ਵੀ ਇਹ ਗੱਲ ॥ ਜਾਣਕਾਰੀ ਸਾਂਝੀ ਕਰੀਏ ਜੀ।…….
Write Your Story Here
