ਹਨੇਰਾ

ਮੇਰੀ ਜ਼ਿੰਦਗੀ ਵਿੱਚ ਹਨੇਰਾ ਹੈ।
ਪਤਾ ਨਾ ਕਦ ਆਣਾ ਸਵੇਰਾ ਹੈ।
ਰੋਸ਼ਨੀ ਬਣ ਜੋ ਆਇਆ ਸੀ,
ਮੈਨੂੰ ਉਸਤੇ ਬੜਾ ਭਰੋਸਾ ਸੀ।
ਕਿਹੜਾ ਕਸ਼ੂਰ ਹੋਇਆ ਸਾਥੋਂ,
ਕਿਹੜੀ ਗੱਲ ਦਾ ਸੱਜਣਾ ਰੋਸਾ ਸੀ।
ਜਾਂਦਾ ਜੋ ਪੱਕਾ ਕਰ ਜੇਰਾ ਹੈ,
ਮੇਰੀ ਜ਼ਿੰਦਗੀ ਵਿੱਚ ,……
ਮਸ਼ਤੀ ਵਿੱਚ ਜੋ ਤੁਰਦੇ ਜਾਂਦੇ,
ਪਤਾ ਨਾ ਕਿੰਨੇ ਮਿੱਤਰ ਬਣਾਏ ਨੇ।
ਅਸਾਂ ਗ਼ੁਜ਼ਾਰੀ ਗ਼ਮਾਂ ਭਰੀ ਰਾਤ,
ਪਤੈ? ਕਿੰਨੇ ਜ਼ਸ਼ਨ ਉਹਨਾਂ ਮਨਾਏ ਨੇ।
ਸਾਨੂੰ ਹਰ ਪਲ ਦੁੱਖ ਬਥੇਰਾ ਹੈ,
ਮੇਰੀ ਜ਼ਿੰਦਗੀ ਵਿੱਚ.,….
ਸਹਿਣ ਕੀਤੇ ਅਸ਼ਾਂ ਕਸ਼ਟ ਬਥੇਰੇ,
ਕੀਤਾ ਹੈ ਗਿਲਾ ,ਨਾ ਸ਼ਿਕਵਾ ਕੋਈ।
ਲੱਗਦਾ ਹਾਂ ਜਦ ਗੀਤ ਲਿਖਣ ਕੋਈ,

/> ਲੱਗਦਾ ਹੈ ਉਦੋਂ ਕਲਮ ਮੇਰੀ ਰੋਈ।
ਕਿਸੇ ਨਾ ਪੁੱਛਿਆ ਹਾਲ ਮੇਰਾ ਹੈ,
ਮੇਰੀ ਜ਼ਿੰਦਗੀ ਵਿੱਚ..,…
ਕੁਝ ਲੋਕ ਤਾਹਣੇ ਮਿਹਣੇ ਮਾਰਦੇ ,
ਕਹਿੰਦੇ ਲੈਂਦਾ ਦੁੱਖੀਆਂ ਦੀ ਸਾਰ ਨਹੀ।
ਜਿੰਦ ਸੂਲੀ ਟੰਗੀ,ਹੱਸਦਾ ਦਿੱਸੇ,”ਸੰਗਰੂਰਵੀ”
ਗੀਤਾਂ ਵਿੱਚ ਬਸੰਤ ਬਹਾਰ ਨਹੀ।
ਦੁੱਖਾਂ ਦਾ ਅਜੇ ਵੀ ਦਿਲ ਚ ਡੇਰਾ ਹੈ,
ਪਤਾ ਨਾ ਕਦ ਆਣਾ ਸਵੇਰਾ ਹੈ,
ਪਤਾ ਨਾ ਕਦ ਆਣਾ….

@©®✍️ ਸਰਬਜੀਤ ਸੰਗਰੂਰਵੀ

Access our app on your mobile device for a better experience!