ਸਮਾਜ

ਕੀਤਾ ਤੂੰ ਸਮਾਜ ਚ, ਮੈਨੂੰ ਕਿਉਂ ਰੁਸਵਾ ਸੋਹਣਿਆਂ।
ਤੇਰੇ ਪਿਆਰ ਪਿੱਛੇ, ਦਿੱਤਾ ਸਭ ਕੁਝ ਗਵਾ ਸੋਹਣਿਆਂ।
ਕੁਝ ਤਾਂ ਤੂੰ ਦੱਸ ਸੋਹਣਿਆਂ,
ਹੋਇਆ ਕੀ ਮੇਰੇ ਤੋਂ ਗੁਨਾਹ ਸੋਹਣਿਆਂ।
ਪਿਆਰ ਕਿਸੇ ਨਾਲ ਪਾ,
ਸੱਧਰਾਂ ਨੇ ਕੀਤੀਆਂ,ਕਿਉਂ ਸਵਾਹ ਸੋਹਣਿਆਂ।
ਹੁਣ ਅੱਖ ਨਾ ਸਕਾਂ ,ਕਿਸੇ ਨਾਲ ਮਿਲਾ ਸੋਹਣਿਆਂ,
ਕੀਤਾ ਤੂੰ ਸਮਾਜ……
ਲਵ ਲੈਟਰ ਲਿਖਦਾ ਰਿਹਾ,ਲਿਖਵਾਂਦਾ ਰਿਹਾ,
ਜੋ ਦਿਲ ਤੇਰੇ ਆਈ,ਉਹੀ ਕਰਵਾਂਦਾ ਰਿਹਾ।
ਪਿਆਰ ਦੇ ਹੁੰਦੇ ਸੋਹਣਿਆਂ,ਕੁਝ ਅਸੂਲ ਨੇ।
ਕੰਮ ਕਰੀਏ ਜਦ ਉਲਟ,ਲੋਕ ਬੋਲਦੇ ਊਲ ਜਲੂਲ ਨੇ।
ਤੇਰੇ ਤੋਂ ਪਿਆਰ ਸਹੀ ਤਰਾਂ,ਨਾ ਹੋ ਸਕਿਆ ਨਿਭਾ ਸੋਹਣਿਆਂ,
ਕੀਤਾ ਤੂੰ ਸਮਾਜ ਚ…..
ਮਾਂਪਿਆਂ ਦੇ ਡਰੋਂ ,ਤੇਰੇ ਲਿਖੇ ਖ਼ਤ ਕਰਦੀ ਸਵਾਹ ਸੀ,
ਮੈਨੂੰ ਕੀ ਪਤਾ ਸੀ,ਤੈਨੂੰ ਖ਼ਤ ਲਿਖ ਕਰਦੀ ਗੁਨਾਹ ਸੀ।
ਤੇਰੇ ਤੋਂ ਨਾ ਹੋਇਆ ਮੇਰਾ,ਚੰਗੀ ਤਰਾਂ...

ਸੰਭਾਲ ਵੇ,
ਤੈਨੂੰ ਬਚਾਣ ਲਈ ਭਾਈ, ਖ਼ਤ ਥਾਣੇ ਲਿਆਇਆ ਨਾਲ ਵੇ।
ਤੂੰ ਵੀ ਉਹਨਾਂ ਦੀ ਹਾਂ ਵਿੱਚ ਹਾਂ , ਦਿੱਤੀ ਮਿਲਾ ਸੋਹਣਿਆਂ,
ਕੀਤਾ ਤੂੰ ਸਮਾਜ ਚ..,….
ਤਨ ਦਾ ਸੁੰਦਰ ਤੂੰ ਸੀ, ਨਾ ਨਿਕਲਿਆ ਮਨ ਦਾ ਵੇ।
ਮਨ ਦਾ ਪੁਜਾਰੀ ਸਮਝਿਆ ਸੀ, ਨਿਕਲ਼ਿਆ ਪੁਜਾਰੀ ਤਨ ਦਾ ਵੇ।
ਮਾਂਪਿਆਂ ਨੂੰ,ਸਭ ਨੂੰ ਹੀ, ਦਿਖਦਾ ਮੇਰਾ ਕਸੂਰ ਵੇ,
ਦੇ ਦੇ ਤਾਹਣੇ ਮਿਹਣੇ,ਮਰਨ ਲਈ ਕਰਦੇ ਮਜ਼ਬੂਰ ਵੇ।
ਹੁਣ ਨਾ ਧੋਖਾ ਦੇਵੀ,ਸੁਣ “ਸੰਗਰੂਰਵੀ”ਦੇ ਯਾਰ ਬੇਵਫ਼ਾ ਸੋਹਣਿਆਂ,
ਕੀਤਾ ਤੂੰ ਸਮਾਜ ਚ….,..

@©®✍️ ਸਰਬਜੀਤ ਸੰਗਰੂਰਵੀ

Access our app on your mobile device for a better experience!