ਆਸਾਂ

ਤੇਰੀਆਂ ਤਾਂ ਆਸਾਂ ਨਾ ਹੋਈਆਂ ਪੂਰੀਆਂ ਵੇ ਸੱਜਣਾਂ।
ਤੂੰ ਕੀ ਜਾਣੇ ਮੇਰੀਆਂ ਮਜ਼ਬੂਰੀਆਂ ਵੇ ਸੱਜਣਾਂ।
ਬਨਾਸਰ ਬਾਗ ਸੁਣ (ਮਿਲਨ ਸਥਾਨ ਸਾਡਾ)ਕਿਹੜਾ ਏਥੋਂ ਦੂਰ ਸੀ।
ਮਿਲਣ ਆਣਾ ਸੱਜਣਾਂ ਵੇ , ਤੈਨੂੰ ਮੈ ਜ਼ਰੂਰ ਸੀ।
ਕੁੱਟ ਕੇ ਸੀ ਰੱਖੀਆਂ ,ਚੂਰੀਆਂ ਵੇ ਸੱਜਣਾਂ।
ਤੂੰ ਕੀ ਜਾਣੇ ਮੇਰੀਆਂ ….
ਸੋਹਣਾ ਸੂਟ ਪਾ ,ਜਦ ਹੋਈ ਤਿਆਰ ਸੀ।
ਕਦੋਂ ਵੱਜਣਗੇ ਪੰਜ,ਕਰਦੀ ਇੰਤਜ਼ਾਰ ਸੀ।
ਦੀਪੀ ਦੀਆਂ ਨਜ਼ਰਾਂ,ਜਾਂਦੀਆਂ ਸੀ ਘੂਰੀਆਂ ਵੇ ਸੱਜਣਾਂ।
ਤੂੰ ਕੀ ਜਾਣੇ ਮੇਰੀਆਂ ….
ਮੈਨੂੰ ਬਾਹਰ ਭੇਜਣ ਦੀਆਂ, ਵਿਚਾਰਾਂ ਨੇ ਕਰਦੇ।
ਕਦੇ...

ਮੇਰੇ ਵਿਆਹ ਲਈ,ਹੁੰਗਾਰਾ ਨੇ ਭਰਦੇ।
ਮੈਨੂੰ ਇਹ ਡਰ ਪੈ ਜਾਣੀਆਂ, ਦੂਰੀਆਂ ਵੇ ਸੱਜਣਾਂ।
ਤੂੰ ਕੀ ਜਾਣੇ ਮੇਰੀਆਂ ……
ਤੇਰੇ ਬਿਨ ਨਾ ਰਹਿ ਸਕਦੀ,ਤੂੰ ਸੁਣ “ਸੰਗਰੂਰਵੀ”
ਟਿੱਕ ਕੇ ਨਾ ਬਹਿ ਸਕਦੀ,ਸੁਣ”ਸੰਗਰੂਰਵੀ”
ਰਹਿ ਨਾ ਜਾਣ ਸੱਧਰਾਂ, ਅਧੂਰੀਆਂ ਵੇ ਸੱਜਣਾਂ।
ਤੂੰ ਕੀ ਜਾਣੇ ਮੇਰੀਆਂ…….
@©®✍️ ਸਰਬਜੀਤ ਸੰਗਰੂਰਵੀ