ਇਸ ਧਰਤੀ ਉੱਤੇ ਐਨਾ ਜੋ ਅਧਰਮ ਹੈ, ਉਸਦਾ ਕਾਰਨ ਇਹ ਨਹੀਂ ਕਿ ਨਾਸਤਿਕ ਹਨ ਦੁਨੀਆ ਵਿੱਚ ਬਹੁਤ ਜਿਆਦਾ । ਆਸਤਿਕਾਂ ਨੇ ਇੱਕ— ਦੂੱਜੇ ਨੂੰ ਗਲਤ ਸਿੱਧ ਕਰ — ਕਰ ਕੇ ਅਜਿਹੇ ਹਾਲਾਤ ਪੈਦਾ ਕਰ ਦਿੱਤੇ ਹਨ ਕਿ ਕੋਈ ਵੀ ਠੀਕ ਨਹੀਂ ਰਿਹਾ । ਮੰਦਿਰ ਵਾਲੇ, ਮਸਜ਼ਿਦ ਵਾਲਿਆਂ ਨੂੰ ਗਲਤ ਕਹਿ ਦਿੰਦੇ ਹਨ, ਮਸਜ਼ਿਦ ਵਾਲੇ ਮੰਦਿਰ ਵਾਲਿਆਂ ਨੂੰ ਗਲਤ ਕਹਿ ਦਿੰਦੇ ਹਨ । ਮੰਦਿਰ ਵਾਲੇ ਇਸ ਖਿਆਲ ਨਾਲ ਮਸਜ਼ਿਦ ਵਾਲਿਆਂ ਨੂੰ ਗਲਤ ਕਹਿੰਦੇ ਹਨ ਕਿ ਜੇਕਰ ਮਸਜ਼ਿਦ ਗਲਤ ਨਹੀਂ , ਤਾਂ ਅਸੀਂ ਠੀਕ ਕਿਵੇਂ ਹੋਵਾਂਗੇ । ਮਸਜ਼ਿਦ ਵਾਲੇ ਇਸ ਲਈ ਗਲਤ ਕਹਿੰਦੇ ਹਨ ਕਿ ਜੇਕਰ ਤੁਸੀਂ ਵੀ ਠੀਕ ਹੋ, ਤਾਂ ਸਾਡੇ ਠੀਕ ਹੋਣ ਵਿੱਚ ਕਿਹੜੀ ਨਵੀਨਤਾ ਹੈ ।
ਪਰ ਸੁਣਨ ਵਾਲੇ ਉੱਤੇ ਜੋ ਅਸਰ ਹੁੰਦਾ ਹੈ, ਉਸਨੂੰ ਲੱਗਦਾ ਹੈ ਕਿ ਮਸਜ਼ਿਦ ਵੀ ਗਲਤ ਅਤੇ ਮੰਦਿਰ ਵੀ ਗਲਤ । ਇਹ ਜੋ ਦੋਨਾਂ ਨੂੰ ਗਲਤ ਕਹਿ ਰਹੇ ਹਨ, ਇਹ ਦੋਹੇ ਹੀ ਗਲਤ ਹਨ । ਅਤੇ ਇਹ ਗਲਤੀ ਨੂੰ ਐਨਾ ਫੈਲਾਇਆ ਹੋਇਆ ਹੈ, ਕਿਉਂਕਿ ਦੁਨੀਆ ਵਿੱਚ ਕੋਈ 4200 ਧਰਮ ਹਨ, ਅਤੇ ਇੱਕ ਧਰਮ ਨੂੰ ਇਕਤਾਲੀ ਸੌ ਨੜਿੰਨਵੇਂ ਗਲਤ ਕਹਿ ਰਹੇ ਹਨ । ਤਾਂ ਤੁਸੀ ਸੋਚ ਸਕਦੇ ਹੋ ਕਿ ਜਨਤਾ ਉੱਤੇ ਕਿਸਦਾ ਅਸਰ ਜ਼ਿਆਦਾ ਹੋਵੇਗਾ ! ਇੱਕ ਕਹਿੰਦਾ ਹੈ ਕਿ ਠੀਕ । ਅਤੇ ਇਕਤਾਲੀ ਸੌ ਨੜਿੰਨਵੇਂ ਉਸਦੇ ਖਿਲਾਫ ਹਨ ਕਿ ਗਲਤ
ਹੈ । ਹੁਣ ਧਰਮ ਨੂੰ ਧਰਮ ਕਹਿਣਾ ਵੀ ਮੁਸ਼ਕਿਲ ਹੋ ਗਿਆ ਹੈ। ਧਰਮ ਵੀ ਆਪਣਾ ਅਰਥ ਖੋ ਚੁੱਕਿਆ ਹੈ ।
ਦੋ ਵਿਦਿਆਰਥੀ ਪਰੀਖਿਆ ਦੇ ਦਿਨਾਂ ਵਿੱਚ ਗੱਲ ਕਰ ਰਹੇ ਸੀ। ਉਨ੍ਹਾਂ ਦਾ ਦਿਲ ਸੀ ਕਿ ਅੱਜ ਇੱਕ...
ਫਿਲਮ ਵੇਖ ਆਈਏ । ਪਰ ਦੋਨ੍ਹਾਂ ਨੂੰ ਆਪਣੇ ਬਾਪੂ ਤੋਂ ਡਰ ਲੱਗਦਾ ਸੀ । ਮਨ ਤਾਂ ਪੜ੍ਹਾਈ ਵਿੱਚ ਬਿਲਕੁਲ ਲੱਗ ਨਹੀਂ ਰਿਹਾ ਸੀ । ਫਿਰ ਇੱਕ ਨੇ ਕਿਹਾ ਕਿ ਛੱਡ ਵੀ ਹੁਣ, ਇਹ ਗੁਲਾਮੀ ਬਹੁਤ ਹੋ ਗਈ । ਜੇ ਇਹੀ ਗੁਲਾਮੀ ਹੈ ਜਿੰਦਗੀ , ਤਾਂ ਇਸਤੋਂ ਤਾਂ ਬਿਹਤਰ ਹੈ, ਅਸੀ ਦੋਵੇਂ ਇੱਥੋਂ ਭੱਜ ਜਾਈਏ । ਪਰੀਖਿਆ ਤੋਂ ਵੀ ਛੁੱਟ ਜਾਵਾਂਗੇ ਅਤੇ ਇਹ ਬਾਪ ਦੇ ਝੰਝਟ ਤੋਂ ਵੀ ਰਾਹਤ ਮਿਲ ਜਾਵੇਗੀ।
ਦੂੱਜੇ ਨੇ ਕਿਹਾ ਕਿ ਇਹ ਭੁੱਲ ਕੇ ਵੀ ਨਾ ਕਰੀਂ । ਕਿਉਂਕਿ ਸਾਡੇ ਦੋਨਾਂ ਦੇ ਬਾਪੂ ਬੜੇ ਖਤਰਨਾਕ ਨੇ । ਉਹ ਜਲਦੀ ਹੀ, ਵੇਲੇ -ਕੁਵੇਲੇ, ਜ਼ਿਆਦਾ ਦੇਰ ਨਹੀਂ ਲੱਗਣੀ ਸਾਨੂੰ ਫੜ ਹੀ ਲੈਣਗੇ ਅਤੇ ਚੰਗੀ ਸਰਵਿਸ ਹੋਵੇਗੀ । ਤਾਂ ਦੂਜੇ ਨੇ ਕਿਹਾ ਕਿ ਕੋਈ ਚੱਕਰ ਨਹੀਂ; ਜੇ ਸਰਵਿਸ ਵੀ ਹੋ ਗਈ, ਤਾਂ ਹੁਣ ਬਹੁਤ ਹੋ ਗਿਆ ਹੁਣ ਸਹਿੰਦੇ ਸਹਿੰਦੇ । ਅਸੀ ਵੀ ਸਿਰ ਖੋਲ ਦੇਣੇ ਹੁਣ ਉਨ੍ਹਾਂ ਦੇ ।
ਤਾਂ ਉਸ ਦੂਜੇ ਨੇ ਕਿਹਾ, ਇਹ ਥੋੜ੍ਹਾ ਜ਼ਿਆਦਾ ਨੀ ਹੋ ਗਿਆ । ਧਰਮਸ਼ਾਸਤਰ ਵਿੱਚ ਲਿਖਿਆ ਹੋਇਆ ਹੈ, ਮਾਤਾ ਅਤੇ ਪਿਤਾ ਦੀ ਇੱਜ਼ਤ ਈਸ਼ਵਰ ਤੋਂ ਵੀ ਵੱਧ ਕਰਨੀ ਚਾਹੀਦੀ ਹੈ । ਤਾਂ ਉਸ ਦੂਜੇ ਨੇ ਕਿਹਾ, ਤਾਂ ਫਿਰ ਆਏਂ ਕਰਾਂਗੇ, ਤੂੰ ਮੇਰੇ ਬਾਪ ਦਾ ਸਿਰ ਖੋਲ ਦੇਈਂ, ਮੈਂ ਤੇਰੇ ਬਾਪ ਦਾ ! ਤਾਂ ਧਰਮਸ਼ਾਸਤਰ ਦੀ ਵੀ ਆਗਿਆ ਪੂਰੀ ਹੋ ਜਾਵੇਗੀ ।
~ #ਓਸ਼ੋ
