ਕੰਮ ਦੀ ਗੱਲ

ਇੱਕ ਬਾਦਸ਼ਾਹ ਦਾ ਪੁੱਤਰ ਬੀਮਾਰ ਹੋਇਆ । ਇਕਲੌਤਾ ਪੁੱਤਰ ਸੀ, ਉਹ ਹੀ ਮਰਨ ਕਿਨਾਰੇ ਪਿਆ ਸੀ । ਹਕੀਮਾਂ ਨੇ ਕਹਿ ਦਿੱਤਾ ਬਚਣ ਦੀ ਕੋਈ ਉਮੀਦ ਨਹੀਂ । ਸ਼ਾਇਦ ਅੱਜ ਦੀ ਰਾਤ ਬੜੀ ਮੁਸ਼ਕਿਲ ਨਾਲ੍ਹ ਹੀ ਕੱਟੇ ।
ਬਾਦਸ਼ਾਹ ਰਾਤ ਭਰ ਉਸਦੇ ਸਿਰਹਾਣੇ ਜਾਗਦਾ ਬੈਠਾ ਰਿਹਾ । ਸਵੇਰ ਹੁੰਦੇ -ਹੁੰਦੇ ਉਸ ਦੀ ਅੱਖ ਲੱਗ ਗਈ । ਸੌਣ ਸਾਰ ਹੀ ਭੁੱਲ ਗਿਆ ਆਪਣੇ ਉਸ ਪੁੱਤਰ ਨੂੰ ਜੋ ਬੀਮਾਰ ਪਿਆ ਸੀ । ਸੁਪਨੇ ਵਿੱਚ ਵੇਖਦਾ, ਵੀ ਉਹ ਸਾਰੀ ਧਰਤੀ ਦਾ ਬਾਦਸ਼ਾਹ ਬਣ ਗਿਆ ਹੈ।
12 ਪੁੱਤਰ ਹਨ ਉਸ ਬਾਦਸ਼ਾਹ ਦੇ, ਬਹੁਤ ਹੀ ਖੂਬਸੂਰਤ, ਤੰਦਰੁਸਤ, ਤੇ ਬਹੁਤ ਸਿਆਣੇ । ਸਾਰੀ ਦੁਨੀਆਂ ਤੇ ਉਸਦਾ ਰਾਜ ਫੈਲਿਆ ਹੋਇਆ ਹੈ, ਸੋਨੇ ਦੇ ਮਹਿਲ ਨੇ, ਹੀਰੇ ਮੋਤੀਆਂ ਨਾਲ੍ਹ ਉਸਦਾ ਖਜਾਨਾ ਭਰਿਆ ਹੋਇਆ ਹੈ । ਉਹ ਬਾਦਸ਼ਾਹ ਬਹੁਤ ਆਨੰਦ ਵਿੱਚ ਜਿਉਂ ਰਿਹਾ ਹੈ ।
ਓਸੇ ਵਕਤ ਹੀ ਬਾਹਰ ਬੀਮਾਰ ਪਏ ਹੋਏ ਪੁੱਤਰ ਦੇ ਸਾਹ ਰੁਕ ਗਏ, ਬਾਦਸ਼ਾਹ ਦੀ ਘਰਵਾਲ੍ਹੀ ਉੱਚੀ ਉੱਚੀ ਰੋਣ ਲੱਗ ਪਈ । ਘਰਵਾਲ੍ਹੀ ਦੀ ਰੋਣ ਦੀ ਆਵਾਜ ਨਾਲ਼ ਬਾਦਸ਼ਾਹ ਦੀ ਅੱਖ ਖੁਲ੍ਹ ਗਈ । ਉਹ ਉੱਠਿਆ ਤਾਂ ਉਸਦਾ ਸੁਪਨਾ ਟੁੱਟ ਚੁੱਕਿਆ ਸੀ, ਉਹ ਰਾਜ-ਭਾਗ ਸਭ ਖੋ ਗਿਆ । ਦੇਖਿਆ ਤਾਂ ਪੁੱਤਰ ਮਰ ਚੁੱਕਿਆ ਸੀ, ਘਰਵਾਲ੍ਹੀ ਰੋ ਰਹੀ ਸੀ । ਪਰ ਬਾਦਸ਼ਾਹ ਦੇ ਅੱਖਾਂ ਵਿੱਚ ਹੰਝੂ ਨਹੀਂ ਆਏ, ਬਾਦਸ਼ਾਹ ਮੁਸਕੁਰਾ ਰਿਹਾ ਸੀ ।
ਘਰਵਾਲ੍ਹੀ ਕਹਿਣ ਲੱਗੀ : ਲੱਗਦਾ ਤੁਹਾਡਾ ਮਨ ਪੱਥਰ ਬਣ ਚੁੱਕਿਆ ਹੈ, ਕਿ ਤੁਸੀਂ ਪਾਗਿਲ ਹੋ ਗਏ ਹੋ? ਤੁਹਾਡਾ ਇਕਲੌਤਾ ਪੁੱਤਰ ਮਰ ਗਿਆ ਹੈ ਤੇ ਤੁਸੀਂ ਮੁਸਕੁਰਾ ਰਹੇ ਹੋਂ ?
ਬਾਦਸ਼ਾਹ ਨੇ ਕਿਹਾ : ਮੈਂ ਕਿਸੇ ਹੋਰ ਗੱਲ ਤੇ ਮੁਸਕੁਰਾ ਰਿਹਾ ਹਾਂ, ਮੈਨੂੰ ਸਮਝ ਨਹੀਂ ਆ ਰਿਹਾ ਮੈਂ ਕਿਹੜੇ ਪੁੱਤਰਾਂ ਲਈ ਰੋਵਾਂ? ਹੁਣੇ...

ਹੁਣੇ ਮੇਰੇ 12 ਪੁੱਤਰ ਸੀ, ਸੋਨੇ ਦਾ ਮਹਿਲ ਸੀ, ਸਾਰੀ ਦੁਨੀਆਂ ਦਾ ਮੈਂ ਬਾਦਸ਼ਾਹ ਸੀ। ਤੂੰ ਰੋਈ ਤਾਂ ਮੇਰੇ ਉਹ 12 ਪੁੱਤਰ , ਮੇਰਾ ਸੋਨੇ ਦਾ ਮਹਿਲ, ਮੇਰੀ ਸਾਰੀ ਬਾਦਸ਼ਾਹਤ ਖੋ ਗਈ ।
‘ਤੇ ਇੱਕ ਇਹ ਪੁੱਤਰ ਹੈ, ਜਦ ਤੱਕ ਅੱਖਾਂ ਬੰਦ ਸੀ, ਇਹ ਖੋ ਗਿਆ ਸੀ । ਮੈਨੂੰ ਯਾਦ ਚੇਤੇ ਵੀ ਨਹੀਂ ਰਿਹਾ ਵੀ ਮੇਰਾ ਕੋਈ ਪੁੱਤਰ ਹੈ ।
ਜਦ ਤਕ ਉਹ 12 ਪੁੱਤਰ ਸੀ ਮੈਨੂੰ ਇਸਦੀ ਯਾਦ ਤਕ ਨਹੀਂ ਆਈ।
ਤੇ ਜਦ ਇਹ ਪੁੱਤਰ ਦੇਖਿਆ ਤਾਂ ਉਹ 12 ਪੁੱਤਰ ਖੋ ਗਏ।
ਹੁਣ ਮੈਂ ਸੋਚਦਾਂ ਮੈਂ ਕਿਸ ਲਈ ਰੋਵਾਂ?
ਉਨ੍ਹਾ 12 ਪੁੱਤਰਾਂ ਲਈ , ਉਹ ਸੋਨੇ ਦੇ ਮਹਿਲਾਂ ਲਈ ਜਾਂ ਇਸ ਬੀਮਾਰ ਹੋ ਕੇ ਮਰੇ ਪੁੱਤਰ ਲਈ ?
ਮੈਨੂੰ ਹਾਸਾ ਆ ਰਿਹਾ ਕਿਤੇ ਦੋਨੋਂ ਸੁਪਨੇ ਤਾਂ ਨਹੀਂ, ਇੱਕ ਅੱਖ ਖੁਲ੍ਹੀ ਦਾ ਸੁਪਨਾ, ਤੇ ਇੱਕ ਬੰਦ ਅੱਖ ਦਾ ਸੁਪਨਾ।
ਜਦ ਅੱਖ ਬੰਦ ਸੀ : ਤਾਂ ਮੈਂ ਭੁੱਲ ਗਿਆ ਸੀ ਇਸ ਬੀਮਾਰ ਪੁੱਤਰ ਨੂੰ ।
ਜਦ ਅੱਖ ਖੁਲ੍ਹੀ ਹੈ : ਤਾਂ ਉਹ ਜੋ ਬੰਦ ਅੱਖਾਂ ਨਾਲ੍ਹ ਦਿਖਾਈ ਦੇ ਰਿਹਾ ਸੀ, ਸੋਨੇ ਦਾ ਮਹਿਲ, ਉਹ ਬਾਦਸ਼ਾਹਤ, ਉਹ ਸਭ ਖੋ ਗਿਆ ਹੈ ।
ਮੈਨੂੰ ਸਭ ਸੁਪਨਾ ਪ੍ਰਤੀਤ ਹੋ ਰਿਹਾ, ਕਿਤੇ ਇਹ ਵੀ ਸੁਪਨਾ ਤਾਂ ਨਹੀਂ ?
ਇਹ ਜ਼ਿੰਦਗੀ ਵੀ ਇੱਕ ਸੁਪਨੇ ਦੀ ਤਰ੍ਹਾਂ ਹੈ।
ਇੱਕ ਜੋ ਅਸੀਂ ਅੱਖ ਖੋਲ੍ਹ ਕਿ ਵੇਖਦੇ ਹਾਂ ।
ਇੱਕ ਜੋ ਅਸੀਂ ਅੱਖਾਂ ਬੰਦ ਕਰਕੇ ਦੇਖਦੇ ਹਾਂ ।
ਪਰ ਹੈ ਦੋਨੋਂ ਹੀ ਸੁਪਨੇ………..‼️
ਓਸ਼ੋ♥️🌹🍃