ਮੇਰਾ ਜਦ ਨਵਾਂ ਵਿਆਹ ਹੋਇਆ ਤਾਂ ਘਰਵਾਲੇ ਨਾਲ ਮੋਹਾਲੀ ਰਹਿੰਦੇ ਸੀ ਦੋਨੋ ਅਸੀ, ਕਿਰਾਏ ਦੇ ਮਕਾਨ ਚ।ਓਥੇ ਇਕ ਫਲੈਟ ਚ ਜਨਾਨੀ ਸੀ ਉੱਚੀ ਲੰਬੀ,ਮੋਟੀ ,ਸਾਂਵਲੀ ਦੇਖਣ ਨੂੰ ਠੀਕ ਸੀ ਤੇ ਕਿਤੇ ਨੌਕਰੀ ਕਰਦੀ ਸੀ ਫੈਕਟਰੀ ਚ,ਆਵਦਾ ਘਰ ਵਾਲਾ ਛਡ ਆਈ ਸੀ।, ਓਹਦੇ ਘਰ ਓਸ ਨਾਲੋ ਉਮਰ ਚ ਛੋਟਾ ਕੋਈ 32.33ਸਾਲ ਦਾ ਬੰਦਾ ਰਹਿੰਦਾ ਸੀ,ਦੋਨੋ ਸਵੇਰੇ ਸ਼ਾਮ ਹੱਥ ਫੜ ਕੇ ਸੈਰ ਕਰਿਆ ਕਰਨ,ਏਨਾ ਪਿਆਰ ਤਾਂ ਪਤੀ ਪਤਨੀ ਵਿਚਾਲੇ ਨਹੀਂ ਹੁੰਦਾ ਜਿੰਨਾ ਓਨਾ ਦਾ ਸੀ,,ਪਰ ਕਿਸੇ ਦੀ ਹਿੰਮਤ ਨਹੀਂ ਸੀ ਕਿ ਉਸ ਔਰਤ ਨੂੰ ਕੋਈ ਪੁੱਛ ਲਵੇ ਕਿ ਤੇਰਾ ਇਹ ਕੀ ਲਗਦਾ ਆ,,ਓਹ ਔਰਤ ਜਦ ਮੈ ਸਵੇਰੇ ਸਕੂਲ ਜਾਣਾ ਤਾਂ ਓਹ ਵੀ ਡਿਊਟੀ ਤੇ ਜਾਂਦੀ ਜਾਂਦੀ ਮੈਨੂੰ ਹਮੇਸ਼ਾ ਬੁਲਾਉਂਦੀ ਸੀ,ਇੱਕੋ ਸੈਕਟਰ ਹੋਣ ਕਰਕੇ ਉਂਝ ਵੀ ਬੁਲਾ ਲੈਂਦੀ ਸੀ ,ਓਹ ਬੁਲਾਉਂਦੀ ਉਂਝ ਨੌਕਰੀ ਵਾਲੀਆਂ ਨੂੰ ਈ ਸੀ ਆਮ ਜਨਾਨੀਆਂ ਨਾਲ ਤਾਂ ਓਹਦਾ ਜੰਗ ਯੁੱਧ ਈ ਛਿੜਿਆ ਰਹਿੰਦਾ ਸੀ।ਸਾਲ ਡੇਢ ਸਾਲ ਹੋ ਗਿਆ ਜਦ ਓਥੇ ਸਾਨੂੰ,ਓਹ ਓਸ ਬੰਦੇ ਨਾਲ ਈ ਰਹਿੰਦੀ ਰਹੀ ,,ਫੇਰ ਇਕ ਦਿਨ ਮੈਨੂੰ ਸਕੂਲੋ ਆਈ ਨੂੰ ਪਤਾ ਲੱਗਾ ਕਿ ਓਹ ਬੰਦਾ ਕਿਤੇ ਆਪਣੇ ਪਿੰਡ ਵੱਲ ਗਿਆ ਸੀ ਓਥੇ ਕਿਤੇ ਐਕਸੀਡੈਂਟ ਹੋ ਗਿਆ ਤੇ ਮਰ ਗਿਆ,, ਏਧਰੋਂ ਓਧਰੋਂ ਪਤਾ ਲਗਦਾ ਸੀ ਕਿ ਓਹਦੀ ਆਪਣੀ ਜਨਾਨੀ ਬੱਚੇ ਵੀ ਸਨ ਪਰ ਰਹਿੰਦਾ ਓਹ ਏਸ ਤੀਵੀਂ ਕੋਲ ਈ ਸੀ,ਕਦੇ ਕਦੇ ਪਿੰਡ ਵਗ ਜਾਂਦਾ ਸੀ,ਹੁਣ ਸੈਕਟਰ ਚ ਹਾਹਾਕਾਰ ਮਚ ਗਈ,ਪਤਾ ਲੱਗਾ ਓਸ ਤੀਵੀਂ ਨੇ ਰੋ ਰੋ ਬੁਰਾ ਹਾਲ ਕੀਤਾ...
ਪਿਆ,,ਮੈ ਵੀ ਇਕ ਦੋ ਹੋਰ ਜਨਾਨੀਆਂ ਨੂੰ ਪੁੱਛਿਆ,ਮੈਨੂੰ ਲੱਗਾ ਮੂੰਹ ਮੱਥੇ ਲਗਦੀ ਰਹਿੰਦੀ ਸੀ, ਚਲ ਅਫ਼ਸੋਸ ਤਾਂ ਕਰ ਆਵਾਂ,ਮੈ 3.4ਜਨਾਨੀਆਂ ਨਾਲ ਈ ਗਈ,ਹੁਣ ਕਦੇ ਪੁੱਛਿਆ ਤਾਂ ਹੈ ਨਹੀਂ ਸੀ ਕਿ ਉਨ੍ਹਾਂ ਦਾ ਆਪਸੀ ਸੰਬੰਧ ਕੀ ਸੀ,ਚਲੋ ਮੈ ਗਈ ਭਾਈ,ਓਹ ਜਨਾਨੀ ਦਾ ਬੁਰਾ ਹਾਲ ਰੋ ਰੋ, ਰੋਣ ਤਾਂ ਮੇਰਾ ਵੀ ਨਿਕਲ ਆਇਆ ਪਰ ਫੇਰ ਓਸ ਜਦ ਵੈਣ ਪਾਇਆ,,ਹਾਏ ਵੇ ਸ਼ੇਰਾ,,ਤੇਰੇ ਬਿਨਾਂ ਕੌਣ ਕਹੁ ਮੈਨੂੰ ਗੈਂਡਾ,,ਮੈਨੂੰ ਕਹਿੰਦਾ ਸੀ ਮੇਰੀ ਹਥਣੀ,, ਹਾਏ ਤੂੰ ਛਡ ਗਿਆ ਆਪਣੇ ਗੈਂਡੇ ਨੂੰ ਕੱਲੀ,,ਤੇਰਾ ਗੈਂਡਾ ਰੁਲ ਜਾਊ ਤੇਰੇ ਬਿਨਾਂ,ਵੇ ਆਜਾ ਆਜਾ ਮੇਰਿਆ ਸ਼ੇਰਾ,,,ਮੈਨੂੰ ਤਾਂ ਰੋਂਦੀ ਨੂੰ ਹਾਸਾ ਆ ਗਿਆ🤣 ਕਿ ਇਹ ਗੈਂਡਾ ਕੌਣ??ਫੇਰ ਓਹਨੂੰ ਜਨਾਨੀ ਨੂੰ ਕਿਸੇ ਨੇ ਪਾਣੀ ਦਾ ਗਲਾਸ ਫੜਾਇਆ ਨਾਲ ਸਾਡੇ ਮੂਹਰੇ ਵੀ ਗਲਾਸ ਕੀਤੇ ਪਰ ਮੇਰੇ ਪਾਣੀ ਕਿੱਥੇ ਲੰਘਣਾ ਸੀ?ਜਦ ਓਹ ਕਹਿੰਦੀ,,ਮੇਰਾ ਤਾਂ ਓਹਦੇ ਨਾਲ ਸੱਤਾਂ ਸਾਲਾਂ ਤੋਂ ਰਿਸ਼ਤਾ ਸੀ ਏਦਾਂ ਈ ਪਿਆਰ ਪੈ ਗਿਆ ਸਾਡਾ,,ਮੈਨੂੰ ਤਾਂ ਓਸ ਗੈਂਡਾ ਆਖਣਾ,ਕਹਿਣਾ ਚਲ ਗੈਂਡੇ ਮਾਰਕੀਟ ਜਾ ਆਈਏ ਚਲ ਨੀ ਮੇਰੀਏ ਹਥਨੀਏ ਸੈਰ ਕਰ ਆਈਏ,,ਮੇਰਾ ਸ਼ੇਰ,,ਮੈਨੂੰ ਨਹੀਂ ਭੁੱਲਣਾ,,,😭😭😭ਭਾਈ ਮੈਨੂੰ ਤਾਂ ਸਮਝ ਕੁਝ ਨਾ ਲੱਗੇ ਓਸ ਗੈਂਡੇ ਹਾਥੀ ਵਾਲੇ ਅਫ਼ਸੋਸ ਚ ਮੈ ਤਾਂ ਮਸੀ ਅਫ਼ਸੋਸ ਕਰ ਘਰ ਮੁੜੀ,ਗੈਂਡੇ ਵਾਲੀ ਗੱਲ ਤੋ,,,😃ਮੇਰੇ ਤਾਂ ਓਥੇ ਦੰਦ ਨਿਕਲਣ ਨੂੰ ਕਰਨ ਅਫ਼ਸੋਸ ਚ