ਘੌਲ
ਜਦੋਂ ਚੰਡੀਗੜ੍ਹ ਪੜ੍ਹਦੇ ਸੀ ਤਾਂ ਇੱਕ ਦਿਨ ਇੱਕ ਮਿੱਤਰ ਇੱਕ ਕਾਲਜ ਵਿੱਚ ਪੜ੍ਹਾਉਂਦੇ ਆਪਣੇ ਮਾਮਾ ਜੀ ਕੋਲ ਲੈ ਗਿਆ ।
ਮਾਮੇ ਨੇ ਬੜੀਆਂ ਸੋਹਣੀਆਂ ਗੱਲਾਂ ਸੁਣਾਈਆਂ …ਮਾਮੇ ਨੇ ਵਿਆਹ ਨਹੀ ਕਰਾਇਆ ਸੀ …ਉਮਰ ਮਾਮੇ ਦੀ 45 ਕੁ ਸਾਲ ਦੇ ਕਰੀਬ ਹੋਣੀ ਆ …ਉਮਰ ਦੇ ਹਿਸਾਬ ਨਾਲ ਮਾਮਾ ਨੂੰ ਹੁਣ “ਛੜਾ “ ਹੀ ਕਹਿ ਸਕਦੇ ਸੀ ਕਿਉਂਕਿ “ਕੁੰਵਾਰੇ” ਵਾਲੀ ਉਮਰ ਤਾਂ ਮਾਮਾ ਲੰਘਾ ਚੁੱਕਾ ਸੀ ।
ਬੈਠੇ ਬੈਠੇ ਵਿਆਹ ਦੀਆਂ ਗੱਲਾਂ ਚੱਲ ਪਈਆਂ ….ਤਾਂ ਮੈਂ ਪੁੱਛਿਆ ਕਿ ਮਾਮਾ ਜੀ ਤੁਸੀ ਵਿਆਹ ਕਿਉਂ ਨਹੀ ਕਰਾਇਆ …..ਮਾਮਾ ਕਹਿੰਦਾ ਜਦ ਵਿਆਹ ਵਾਲੀ ਉਮਰ ਸੀ ਉਦੋਂ ਭਾਣਜਿਆ ਬੱਸ “ਘੌਲ” ਜਿਹੀ ਹੋ...
ਗਈ ..ਫੇਰ ਜਦੋਂ ਉਮਰ ਜਿਹੀ ਲੰਘ ਗਈ ਫੇਰ ਮੈਂ ਸੋਚਿਆ ਕਿ ਹੁਣ ਕਾਹਨੂੰ ਐਵੇਂ “ਅੱਡੀਆਂ ਚੱਕ ਕੇ ਫਾਹਾ ਲੈਣਾ” ।ਬੱਸ ਐਵੇਂ ਐਵੇਂ ਘੌਲ ਘੌਲ ਜਿਹੀ ਵਿੱਚ ਰਹਿ ਗਿਆ ਵਿਆਹ ਵਾਲਾ ਕੰਮ ਤਾਂ ।
ਮੈਂ ਹੈਰਾਨ…. ਕੇ ਹੋਰ ਕੰਮਾਂ ਵਿੱਚ ਤਾਂ ਚੱਲ ਪੰਜਾਬੀਆਂ ਦੀ “ਘੌਲ” ਮਸ਼ਹੂਰ ਹੈਗੀ ਹੀ ਆ ਪਰ ਮਾਮਾ ਤਾਂ ਵਿਆਹ ਵਰਗੇ ਜ਼ਰੂਰੀ ਮਾਮਲੇ ਵਿੱਚ ਵੀ ਘੌਲ ਕਰ ਗਿਆ ।
ਹਰਵਿੰਦਰ ਸਿੰਘ ਭੱਟੋਂ