More Punjabi Kahaniya  Posts
ਦਾਦਾ ਜੀ


ਜਦੋਂ ਦੇ ਦਾਰ ਜੀ ਪੂਰੇ ਹੋਏ ਨਿੱਕਾ ਬੇਟਾ ਘਰੇ ਅਕਸਰ ਹੀ ਖਹਿੜੇ ਪੈ ਜਾਇਆ ਕਰਦਾ..
ਫੇਰ ਉਸਨੂੰ ਮਜਬੂਰਨ ਆਪਣੇ ਨਾਲ ਸਕੂਲ ਲੈ ਜਾਣਾ ਪਿਆ ਕਰਦਾ..ਨਵੀਆਂ ਨਵੀਆਂ ਗੱਲਾਂ ਕਰਨ ਸਿਖਿਆ ਉਹ ਰਾਹ ਅਤੇ ਸਕੂਲ ਹਰੇਕ ਨਾਲ ਗਲੀ ਲੱਗ ਜਾਇਆ ਕਰਦਾ..!
ਉਸ ਦਿਨ ਵੀ ਗੱਡੀ ਵਿਚ ਕੁਦਰਤੀ ਹੀ ਉਹ ਮੁਰਮੁਰਾ ਵੇਚਣ ਵਾਲੇ ਬਾਬਾ ਜੀ ਆ ਗਏ..
ਉਹ ਅਕਸਰ ਹੀ ਹਰ ਟੇਸ਼ਨ ਤੇ ਆਪਣਾ ਡੱਬਾ ਬਦਲਿਆ ਕਰਦੇ ਸਨ!
ਅਗਲੇ ਟੇਸ਼ਨ ਦਾ ਇੰਤਜਾਰ ਕਰਦੇ ਹੋਏ ਉਹ ਸਾਡੇ ਕੋਲ ਹੀ ਬੈਠ ਗਏ..ਇਹ ਓਹਨਾ ਨਾਲ ਵੀ ਕਿੰਨੀਆਂ ਸਾਰੀਆਂ ਗੱਲਾਂ ਕਰੀ ਜਾਵੇ..!
ਅਖੀਰ ਉੱਠ ਕੇ ਜਾਣ ਲੱਗੇ ਤਾਂ ਮਗਰੋਂ ਸਹਿ ਸੁਭਾਅ ਹੀ ਆਖਣ ਲੱਗਾ “ਚੰਗਾ ਫੇਰ ਦਾਦਾ ਜੀ ਸਤਿ ਸ੍ਰੀ ਅਕਾਲ..”
ਏਨੀ ਗੱਲ ਸੁਣ ਕੇ ਉਹ ਇੱਕ ਵਾਰ ਫੇਰ ਵਾਪਿਸ ਪਰਤ ਆਏ ਤੇ ਇਸਨੂੰ ਕੁੱਛੜ ਚੁੱਕ ਲਿਆ..
ਫੇਰ ਇਸਦਾ ਮੂੰਹ ਚੁੰਮ ਕੇ ਆਖਣ ਲੱਗੇ “ਪੁੱਤ ਜਿਉਂਦਾ ਵੱਸਦਾ ਰਹਿ..ਤੇਰਾ ਬਹੁਤ-ਬਹੁਤ ਸ਼ੁਕਰੀਆ..”
ਸਿਆਣਿਆਂ ਵਾਂਙ ਇੱਕ ਵਾਰ ਫੇਰ ਤੋਂ ਪੁੱਛਣ ਲੱਗਾ “ਤੁਸੀਂ ਮੈਨੂੰ ਸ਼ੁਕਰੀਆ ਕਾਹਦੇ...

ਲਈ ਆਖਿਆ”?
ਅੱਗਿਓਂ ਆਖਣ ਲੱਗੇ “ਕਿਓੰਕੇ ਪੁੱਤਰਾਂ ਤੂੰ ਮੈਨੂੰ ਦਾਦਾ ਜੀ ਜੂ ਆਖਿਆ”
ਅੰਦਾਜੇ ਦੇ ਉਲਟ ਇਸਨੇ ਅੱਗੋਂ ਨੀਵੀਂ ਪਾ ਲਈ..ਸ਼ਾਇਦ ਆਖਣਾ ਚਾਹ ਰਿਹਾ ਸੀ ਕੇ “ਤੁਹਾਡੀ ਦਾਹੜੀ ਅਤੇ ਮੁਹਾਂਦਰਾ ਵੀ ਤਾਂ ਮੇਰੇ ਦਾਦੇ ਜੀ ਵਰਗਾ ਏ..ਮੈਂ ਕੀ ਕਰਦਾ”
ਫੇਰ ਦੋਵੇਂ ਕਿੰਨੀ ਦੇਰ ਤੱਕ ਗੱਲੀ ਲੱਗੇ ਰਹੇ..!
ਫੇਰ ਪਤਾ ਹੀ ਨਹੀਂ ਲੱਗਾ ਕਦੋ ਅਮ੍ਰਿਤਸਰ ਆ ਗਿਆ ਤੇ ਕੁਝ ਘੜੀਆਂ ਪਹਿਲਾਂ ਹੀ ਮੇਰੇ ਪੁੱਤ ਦਾ ਦਾਦਾ ਬਣ ਗਿਆ ਉਹ ਬਾਬਾ ਜੀ ਇੱਕ ਵਾਰ ਫੇਰ ਮੁਰਮੁਰਾ ਵੇਚਣ ਵਿਚ ਮਗਨ ਹੋ ਗਏ!
ਤੁਰੀ ਜਾਂਦੀ ਸੋਚ ਰਹੀ ਸਾਂ ਕੇ ਇਸ ਜਹਾਨ ਵਿਚ ਕੁਝ ਰਿਸ਼ਤਿਆਂ ਦਾ ਵਜੂਦ ਭਾਵੇਂ ਕੁਝ ਪਲਾਂ ਦਾ ਹੀ ਹੁੰਦਾ ਏ ਪਰ ਉਹ ਜ਼ਿਹਨ ਤੇ ਅਸਰਦਾਰ ਸਦੀਵੀਂ ਲਈ ਹੋ ਜਾਇਆ ਕਰਦੇ ਨੇ”

ਹਰਪ੍ਰੀਤ ਸਿੰਘ ਜਵੰਦਾ

...
...



Related Posts

Leave a Reply

Your email address will not be published. Required fields are marked *

4 Comments on “ਦਾਦਾ ਜੀ”

Punjabi Graphics

Indian Festivals

Love Stories

Text Generators

Hindi Graphics

English Graphics

Religious

Seasons

Sports

Send Wishes (Punjabi)

Send Wishes (Hindi)

Send Wishes (English)