ਮਿੰਨੀ ਕਹਾਣੀ
ਨਜ਼ਾਇਜ਼ ਧੰਦਾ
————-
ਨਜ਼ਾਇਜ਼ ਸ਼ਰਾਬ ਦੀਆਂ ਪੇਟੀਆ ਲੈ ਕੇ ਤੇਜ਼ ਰਫਤਾਰ ਨਾਲ ਗੱਡੀ ਚਲਾਉਂਦਾ ਪਾਲੀ ਆਪਣੀ ਮੰਜ਼ਿਲ ਵੱਲ ਵੱਧ ਰਿਹਾ ਸੀ ! ਮੋਬਾਈਲ ਦੀ ਘੰਟੀ ਵਜੀ
“ਹੈਲੋ ” ਅਗੇ ਪੁਲਿਸ ਨਾਕਾ ਹੈ ,ਜ਼ਰਾ ਸੰਭਲ ਕੇ , ਅਗੋਂ ਆਵਾਜ਼ ਆਈ
ਪਾਲੀ ਨੇ ਗੱਡੀ ਰੋਕ ਕੇ ਆਸਾ ਪਾਸਾ ਵੇਖਿਆ ! ਰੁਮਾਲ ਨਾਲ ਮੂੰਹ ਪੂੰਝ ਕੇ ਫਿਰ ਅਗੇ ਤੁਰ ਪਿਆ ! ਇਕ ਚੁੰਗੀ ਤੇ ਆ ਕੇ ਗੱਡੀ ਖੜ੍ਹੀ ਕੀਤੀ ਇੱਕਤੀ ਦੇਸੀ ਘਿਉ ਦੇ ਪੀਪਿਆਂ ਦੀ ਚੁੰਗੀ ਕਟਾਈ ਤੇ ਅਗੇ ਤੁਰ ਪਿਆ ! ਅਗੇ ਪੁਲਿਸ ਦਾ ਨਾਕਾ ਵੇਖ ਕੇ ਘਬਰਾ ਗਿਆ ! ਪੁਲਿਸ ਨੇ ਗੱਡੀ ਰੋਕ ਕੇ ਤਲਾਸ਼ੀ ਲਈ ! ਨਜ਼ਾਇਜ਼ ਸ਼ਰਾਬ ਦੀਆਂ ਇੱਕਤੀ ਪੇਟੀਆ ਪੁਲਿਸ ਨੇ ਕਬਜ਼ੇ ਚ ਲੈ ਕੇ ਚਲਾਨ ਕਟ ਦਿੱਤਾ ! ਪਾਲੀ ਗ੍ਰਿਫਤਾਰ ਹੋ ਗਿਆ !
ਅਗਲੇ ਦਿਨ ਪਾਲੀ ਨੂੰ ਅਦਾਲਤ...
ਚ ਪੇਸ਼ ਕੀਤਾ ਗਿਆ ! ਜੱਜ ਨੇ ਪੁੱਛਿਆ , ਤੇਰੇ ਕੋਲੋਂ ਇੱਕਤੀ ਪੇਟੀਆਂ ਨਜ਼ਾਇਜ਼ ਸ਼ਰਾਬ ਬਰਾਮਦ ਹੋਈ ਹੈ ! ਕਿਓਂ ਮਜ਼ਾਕ ਕਰ ਰਹੇ ਹੋ ਸਾਹਿਬ ਜੀ ,ਪਾਲੀ ਬੋਲਿਆ. ਸਾਹਿਬ ਜੀ ਸ਼ਰਾਬ ਦੇ ਕੇਸ ਵਿਚ ਜਾਣ ਬੁਝ ਕੇ ਫਸਾਇਆ ਜਾ ਰਿਹਾ ! ਸਾਹਿਬ ਮੇਰੇ ਕੋਲ ਇੱਕਤੀ ਦੇਸੀ ਘਿਉ ਦੇ ਪੀਪਿਆਂ ਦੀ ਚੁੰਗੀ ਦੀ ਰਸੀਦ ਹੈ , ਚੁੰਗੀ ਰਸੀਦ ਜੱਜ ਵਲ ਵਿਖਾਉਂਦਿਆਂ ਪਾਲੀ ਬੋਲਿਆ
ਜੱਜ ਨੇ ਚੁੰਗੀ ਰਸੀਦ ਵੇਖ ਕੇ ਐਨਕਾਂ ਵਿੱਚੋ ਥਾਣੇਦਾਰ ਵਲ ਵੇਖਿਆ ! ਜੱਜ ਨੇ ਫੈਸਲਾ ਕੀਤਾ ਤੇ ਹੁਕਮ ਦਿਤਾ ਪਾਲੀ ਨੂੰ ਰਿਹਾ ਕਰ ਦਿਉ ਥਾਣੇਦਾਰ ਗ੍ਰਿਫਤਾਰ ਕਰ ਕੇ ਇਹਦੇ ਉਤੇ ਕੇਸ ਚਲਾਇਆ ਜਾਵੇ ! ਪਾਲੀ ਨੇ ਥਾਣੇਦਾਰ ਵਲ ਵੇਖ ਕੇ ਮਿੰਨੀ ਜਿਹੀ ਮੁਸਕਰਾਹਟ ਬਿਖੇਰੀ ਤੇ ਅਦਾਲਤ ਤੋਂ ਬਾਹਰ ਹੋ ਗਿਆ
ਢਾਡੀ ਕੁਲਜੀਤ ਸਿੰਘ ਦਿਲਬਰ
425-524-1828
