ਕੁਝ ਸਾਲ ਪਹਿਲਾਂ ਮੇਰੀ ਇੱਕ ਦੋਸਤ ਦੀ ਅਚਾਨਕ ਮੌਤ ਹੋ ਗਈ। ਦੋ ਮਹੀਨਿਆਂ ਮਗਰੋਂ ਮੈਂ ਉਹਦੇ ਘਰਵਾਲੇ ਨੂੰ ਕਾਲ ਕਰਨ ਦੀ ਸੋਚੀ। ਮੇਰੇ ਮਨ ਚ ਸੀ ਕਿ ਉਹ ਜਰੂਰ ਆਪਣੀ ਘਰਵਾਲੀ ਕਰਕੇ ਜ਼ਿੰਦਗੀ ਬਦਤਰ ਹੋ ਗਈ ਹੋਵੇਗੀ। ਹੋ ਸਕਦਾ ਮੈਂ ਉਸਦੀ ਕੁਝ ਮਦਦ ਕਰ ਸਕਾਂ। ਕਿਉਂਕਿ ਮੇਰੀ ਦੋਸਤ ਆਪਣੀ ਮੌਤ ਤੋਂ ਪਹਿਲਾਂ ਸਭ ਕੁਝ ਸੰਭਾਲਦੀ ਸੀ ਘਰ , ਬੱਚਿਆਂ ਦੀ ਪੜ੍ਹਾਈ , ਸੱਸ ਸਹੁਰੇ ਦੀ ਦੇਖਭਾਲ , ਬਿਮਾਰੀ , ਰਿਸ਼ਤੇਦਾਰ , ਘਰ , ਬਾਹਰ ਸਭ ਕੁਝ।
ਅਕਸਰ ਉਹ ਕਿਹਾ ਕਰਦੀ ਸੀ , ਮੇਰੇ ਘਰ ਨੂੰ ਮੇਰੀ ਜਰੂਰਤ ਸੀ ,ਮੇਰਾ ਘਰਵਾਲਾ ਖੁਦ ਚਾਹ ਵੀ ਨਹੀਂ ਬਣਾ ਸਕਦਾ। ਮੇਰੇ ਘਰ ਨੂੰ ਮੇਰੀ ਬਹੁਤ ਜਰੂਰਤ ਰਹਿੰਦੀ ਹੈ। ਪਰ ਕੋਈ ਮੈਨੂੰ ਸਮਝਦਾ ਨਹੀਂ।
ਮੈਂ ਉਹਦੇ ਘਰਵਾਲੇ ਨੂੰ ਕਾਲ ਕੀਤੀ , ਕਾਲ ਚੁੱਕੀ ਨਹੀਂ ਗਈ। ਕਰੀਬ ਘੰਟੇ ਬਾਅਦ ਦੁਬਾਰਾ ਕਾਲ ਆਈ। ਉਹਨੇ ਫੋਨ ਨਾ ਚੁੱਕਣ ਲਈ ਮਾਫੀ ਮੰਗਦੇ ਹੋਏ ਕਿਹਾ ਦੱਸਿਆ ਕਿ ਟੈਨਿਸ ਖੇਡ ਰਿਹਾ ਸੀ। ਇੱਕ ਵਧੀਆ ਸਿਹਤ ਲਈ ਉਸਨੇ ਹੁਣੇ ਹੁਣੇ ਸ਼ੁਰੂ ਕੀਤਾ ਸੀ
ਹੋਰ ਉਸਨੇ ਦੱਸਿਆ ਕਿ ਉਹਨੇ ਪੂਨੇ ਟਰਾਂਸਫਰ ਲੈ ਰਿਹਾ ਸੀ। ਹੁਣ ਉਹਨੂੰ ਕਿਤੇ ਜਾਣ ਦੀ ਲੋੜ ਨਹੀਂ ਸੀ।
“ਘਰੇ ਸਭ ਠੀਕ ?”
ਉਹਨੇ ਕਿਹਾ ਉਹਨੇ ਇੱਕ ਰਸੋਈਆ ਰੱਖ ਲਿਆ ਹੈ। ਥੋੜ੍ਹੀ ਵੱਧ ਤਨਖਾਹ ਦਿੰਦਾ ਹੈ। ਤਾਂ ਜੋ ਉਹ ਗਰੌਸਰੀ ਵੀ ਕਰ ਸਕੇ। ਉਹਨੇ ਮਾਤਾ ਪਿਤਾ ਲਈ ਪੂਰੇ ਟਾਈਮ ਲਈ ਇੱਕ ਕੇਅਰ ਟੇਕਰ ਵੀ ਰੱਖ ਲਈ ਹੈ।
“ਸਭ ਵਧੀਆ ਚੱਲ ਰਿਹਾ ਹੈ , ਬੱਚੇ ਵੀ ਠੀਕ ਹਨ , ਲੋੜ ਪਈ ਤੇ ਇੱਕ ਟਿਊਟਰ ਰੱਖ ਦੇਵਾਗਾਂ। ”
ਮੈਂ ਕੁਝ ਨਾ ਬੋਲ ਸਕੀ। ਤੇ ਮੈਂ ਫੋਨ ਰੱਖ ਦਿੱਤਾ। ਅੱਖਾਂ ਵਿਚੋਂ ਹੰਝੂ ਆਉਣ ਲੱਗੇ। ਮੇਰੀ ਦੋਸਤ ਮੇਰੇ ਦਿਮਾਗ ਚ ਘੁੰਮ ਗਈ। ਉਹਨੇ ਆਪਣੇ ਸਕੂਲ ਦੀ ਰੀ-ਯੂਨੀਅਨ ਛੱਡੀ ਕਿਉਕਿ ਉਸਦੀ ਸੱਸ ਬਿਮਾਰ ਸੀ.ਉਹਨੇ ਆਪਣੇ ਭਤੀਜੀ ਦੇ ਵਿਆਹ ਤੇ ਨਾ ਜਾ ਸਕੀ ਕਿਉਕਿ ਘਰੇ ਮਿਸਤਰੀ ਲੱਗੇ ਹੋਏ ਸੀ.ਉਹਨੇ ਬੱਚਿਆਂ ਦੀ ਪੜ੍ਹਾਈ ਲਈ ਜਾਂ ਪੇਪਰਾਂ ਲਈ ਕਿੰਨੀਆਂ ਹੀ...
ਪਾਰਟੀਆਂ ਫ਼ਿਲਮਾਂ ਛੱਡੀਆਂ ਸੀ। ਹਮੇਸ਼ਾ ਤਾਰੀਫ ਹਾਸਿਲ ਕਰਨ ਲਈ ਜੋ ਉਹਨੂੰ ਨਹੀਂ ਮਿਲੀ।
ਹੁਣ ਮੈਨੂੰ ਲਗਦਾ ਕਿ ਹਰ ਇੱਕ ਦਾ ਇੱਕ ਬਦਲ ਹੁੰਦਾ ਹੈ। ਕੋਈ ਕਿਸੇ ਨੂੰ ਬਹੁਤਾ ਯਾਦ ਨਹੀਂ ਕਰਦਾ , ਇੱਕ ਸਮੇਂ ਮਗਰੋਂ ਹਰੇਕ ਥਾਂ ਭਰ ਜਾਂਦੀ ਹੈ। ਇਹ ਸਭ ਸਿਰਫ ਸਾਡੇ ਦਿਮਾਗ ਵਿੱਚ ਹੁੰਦਾ ਹੈ।
ਉਸਦੀ ਮੌਤ ਮਗਰੋਂ ਦੋ ਨੌਕਰ ਰੱਖ ਲਿੱਤੇ ਗਏ। ਤੇ ਘਰ ਸਭ ਸਹੀ ਹੋ ਗਿਆ।
ਸਾਨੂੰ ਆਪਣੀ ਕੀਮਤ ਤੇ ਇੱਜਤ ਬਾਰੇ ਕੀ ਪਤਾ ਨਹੀਂ ਹੋਣਾ ਚਾਹੀਦਾ ?
ਫਿਰ ਆਪਣੇ ਮਨ ਵਿਚੋਂ ਕੱਢ ਦੇਵੋ ਕਿ ਤੁਹਾਡਾ ਕੋਈ ਬਦਲ ਨਹੀਂ ਹੈ। ਇਸ ਕਰਕੇ ਤੁਹਾਡਾ ਘਰ ਤੁਹਾਡੀ ਦੁਕਾਨ , ਤੁਹਾਡੀ ਨੌਕਰੀ ,ਨੂੰ ਸਮੱਸਿਆ ਆਏਗੀ।
ਇਹਨਾਂ ਨੂੰ ਜੰਜਾਲ ਮੰਨਕੇ ਉਮਰ ਭਰ ਅਸੀਂ ਇਸੇ ਚ ਫਸੇ ਰਹਿੰਦੇ ਹਾਂ। ਜਿੰਦਗੀ ਚ ਕਰਨ ਵਾਲੇ ਬਹੁਤ ਸਾਰੇ ਚਾਅ , ਰੀਝਾਂ ਸ਼ੌਂਕ ਅਸੀਂ ਮਹਿਜ ਇਸ ਲਈ ਛੱਡ ਦਿੰਦੇ ਹਾਂ ਕਿਉਕਿ ਅਸੀਂ ਦਿਮਾਗ ਚ ਬਿਠਾ ਰਖਿਆ ਕਿ ਮੇਰੇ ਬਿਨਾਂ ਕੀ ਬਣੇਗਾ ?
ਇਹ ਦੁਨੀਆਂ ਇਹ ਲੋਕ ਤੁਹਾਡੇ ਤੋਂ ਪਹਿਲਾਂ ਵੀ ਸੀ ਤੁਹਾਡੇ ਮਗਰੋਂ ਵੀ ਰਹਿਣਗੇ।
ਆਪਣੇ ਲਈ ਸਮਾਂ ਕੱਢੋ,ਦੋਸਤਾਂ ਨਾਲ ਮਿਲੋ ਘੁੰਮੋ ਫਿਰੋ, ਆਪਣੇ ਸ਼ੌਂਕ ਨੂੰ ਲਭੋ। ਕਦੇ ਜਿੰਦਗੀ ਚ ਉਹ ਜਰੂਰ ਕਰਕੇ ਵੇਖੋ ਜੋ ਤੁਹਾਨੂੰ ਪਸੰਦ ਹੈ। ਦੂਜਿਆਂ ਵਿਚੋਂ ਆਪਣੀ ਖੁਸ਼ੀ ਨਾ ਲਭੋ , ਕਿਸੇ ਨੂੰ ਖੁਸ਼ ਰੱਖਕੇ ਜਾਂ ਖੁਸ਼ ਰੱਖਣ ਦੀ ਕੋਸ਼ਿਸ਼ ਚ ਤੁਸੀਂ ਖੁਸ਼ ਨਹੀਂ ਹੋ ਸਕਦੇ। ਕਿਉਕਿ ਜੇਕਰ ਤੁਸੀਂ ਆਪ ਖੁਸ਼ ਨਹੀਂ ਤਾਂ ਕਿਸੇ ਨੂੰ ਖੁਸ਼ ਨਹੀਂ ਰੱਖ ਸਕਦੇ।
ਤੁਹਾਡੀ ਬਹੁਤ ਨੂੰ ਜਰੂਰਤ ਹੋ ਸਕਦੀ ਪਰ ਤੁਹਾਨੂੰ ਖੁਦ ਨੂੰ ਵੀ ਆਪਣੀ ਜਰੂਰਤ ਹੈ।
ਯਾਦ ਰੱਖੋ ਤੁਹਾਡਾ ਬਦਲ ਇਸ ਕਹਾਣੀ ਦੀ ਔਰਤ ਵਾਂਗ ਬਹੁਤ ਸੌਖਾ ਹੈ , ਉਸ ਬਦਲ ਦੇ ਆਉਣ ਤੋਂ ਪਹਿਲਾਂ ਆਪਣੀ ਜਿੰਦਗੀ ਜੀਅ ਲਵੋ।
(ਅੰਗਰੇਜ਼ੀ ਤੋਂ ਅਨੁਵਾਦ )
Unknown 🚫