ਅੱਜ ਕੱਲ ਜੂਨ 84 ਨੂੰ ਯਾਦ ਕੀਤਾ ਜਾ ਰਿਹਾ ਹੈ , ਮੇਰੇ ਪਾਪਾ ਜੀ ਦੀ ਮੌਤ ਵੀ ਜੂਨ 84 ਨਾਲ ਹੀ ਜੁੜੀ ਹੋਈ ਹੈ , ਫਰਕ ਸਿਰਫ ਐਨਾ ਕਿ ਉਹਨਾਂ ਨੂੰ ਪੁਲਿਸ ਵਲੋਂ fake ਐਨਕਾਊਂਟਰ ਬਣਾ ਕੇ 1988 ਵਿੱਚ ਮਾਰ ਦਿੱਤਾ ਗਿਆ , ਕਿਉਂਕਿ ਉਦੀਂ ਹਰ ਇੱਕ ਸਰਦਾਰ ਪੁਲਿਸ ਦੀਆਂ ਨਜ਼ਰਾਂ ਵਿੱਚ ਅੰਤਕਵਾਦੀ ਹੁੰਦਾ ਸੀ ,
ਮੈਂ ਉਦੋਂ ਸਿਰਫ 6 ਮਹੀਨਿਆਂ ਦੀ ਸੀ ਤੇ ਮੇਰੀ ਭੈਣ 2 ਸਾਲ ਦੀ , ਅਸਲ ਵਿੱਚ ਮੇਰੇ ਪਾਪਾ ਦੇ ਵੱਡੇ ਭਰਾ ਖਾੜਕੂ ਪੁਣੇ ਵਿੱਚ ਸੀ। ਉਸਦੀਆਂ ਹਰਕਤਾਂ ਕੁਝ ਗਲਤ ਸੀ , ਉਹ ਚੋਰੀ ਕਰਦਾ ਸੀ ਡਾਕੇ ਮਾਰਦਾ ਸੀ , ਤੇ ਪੁਲਿਸ ਉਸਦੇ ਮਗਰ ਸੀ ਅਤੇ ਦੂਜੇ ਪਾਸੇ ਮੇਰੇ ਪਾਪਾ ਇੱਕ ਬਹੁਤ ਹੀ ਇਮਾਨਦਾਰ ਅਤੇ ਮਿਹਨਤੀ ਇਨਸਾਨ ਸਨ , ਇੱਕ ਛੋਟੇ...

ਜਿਹੇ ਪਿੰਡ ਵਿੱਚ ਡਾਕਟਰ ਦੀ ਦੁਕਾਨ ਚਲਾਉਂਦੇ ਸਨ ਅਤੇ ਨਾਲ ਹੀ ਆਯੁਰਵੇਦ ਦਵਾਈਆਂ ਦੀ ਪੜ੍ਹਾਈ ਕਰ ਰਹੇ ਸਨ , ਮੇਰੇ ਤਾਇਆ ਜੀ ਅਕਸਰ ਆਪਣਾ ਲਾਮ ਲਸ਼ਕਰ ਲੈ ਕੇ ਮੇਰੇ ਪਾਪਾ ਦੀ ਕਲੀਨਿਕ ਤੇ ਆ ਜਾਇਆ ਕਰਦੇ ਸਨ ਜਦ ਕਿ ਮੇਰੇ ਪਾਪਾ ਨੇ ਉਸਨੂੰ ਕਈ ਵਾਰ ਮਨ੍ਹਾ ਕੀਤਾ ਸੀ ਪਰ ਫਿਰ ਵੀ ਉਹ ਨਾ ਹਟਿਆ , ਮੇਰਾ ਤਾਇਆ ਕਲੀਨਿਕ ਤੇ ਆਉਂਦਾ ਅਤੇ ਹਵਾਈ ਫਾਇਰ ਕਰਦਾ ਤੇ ਖਰੂਦ ਮਚਾਉਂਦਾ ਸੀ ਜਿਸ ਕਾਰਨ ਪਿੰਡ ਦੇ ਸਰਪੰਚ ਨੇ ਮੇਰੇ ਪਾਪਾ ਖਿਲਾਫ ਸ਼ਿਕਾਇਤ ਕਰ ਦਿੱਤੀ ਸੀ।
ਰਜਵੰਤ ਕੌਰ