ਮੇਰੇ ਮੁਤਾਬਿਕ ਬੋਲੀ ਉਹ ਜੋ ਕਿਸੇ ਖਿਤੇ ਚ ਬੋਲੀ ਜਾਂਦੀ ਹੈ ਜਾਂ ਅਸੀਂ ਕਹਿ ਸਕਦੇ ਹਾਂ ਜੋ ਅਸੀਂ ਆਪਣੀ ਮਾਂ ਘਰ ਪਰਿਵਾਰ ਤੋਂ ਸਿੱਖੀ ਹੋਵੇ ਤੇ ਭਾਸ਼ਾ ਉਹ ਹੁੰਦੀ ਹੈ ਜਿਸ ਦਾ ਕੋਈ ਲਿਖਦੀ ਰੂਪ ਹੋਵੇ, ਜਿਵੇਂ ਪੰਜਾਬੀ ਹਿੰਦੀ ਤੇ ਅੰਗਰੇਜ਼ੀ ਜੋ ਆਮ ਆਪਣੇ ਭਾਰਤ ਚ ਚੱਲਦੀਆਂ ਨੇ, ਸਾਡੇ ਪੰਜਾਬ ਚ ਤਿੰਨ ਭਾਸ਼ਾਵਾਂ ਚੱਲਦੀਆਂ ਨੇ ਇਹਨਾਂ ਭਾਸ਼ਾਵਾਂ ਚ ਉਲਝ ਕੇ ਬੱਚੇ ਹੁਸ਼ਿਆਰ ਹੋਣ ਦੀ ਬਿਜਾਏ ਨਲਾਇਕ ਹੁੰਦੇ ਜਾਂ ਰਹੇ ਨੇ, ਕਿਉਂਕਿ ਇੱਥੇ ਬੱਚੇ ਦੀ ਹੁਸ਼ਿਆਰੀ ਭਾਸ਼ਾ ਨੂੰ ਮੰਨਿਆ ਜਾਂਦਾ ਹੈ ਇੱਥੇ ਜੇ ਕਿਸੇ ਬੰਦੇ ਨੂੰ ਅੰਗਰੇਜ਼ੀ ਨਹੀਂ ਆਉਂਦੀ ਤਾਂ ਉਹ ਨਲਾਇਕ ਮੰਨਿਆ ਜਾਂਦਾ ਹੈ ਕੀ ਭਾਸ਼ਾ ਦਾ ਆਉਣਾ ਹੀ ਤੇਜ਼ ਬੁੱਧੀ ਦੀ ਨਿਸ਼ਾਨੀ ਹੈ?
ਹੁਣ ਤੁਸੀਂ ਕਹੋਗੇ ਇਹ ਗੱਲਾਂ ਇੱਥੇ ਕਰਨ ਦਾ ਕੀ ਮਤਲਬ, ਹਾਂ ਮਤਲਬ ਤਾਂ ਸ਼ਾਇਦ ਕੋਈ ਨਾ ਹੋਵੇ ਪਰ ਮੈਂ ਸੋਚਦੀ ਹਾਂ ਜੇ ਸਾਡੀ ਸਾਰੀ ਪੜਾਈ ਇੱਕ ਭਾਸ਼ਾ ਚ ਹੋਵੇ ਜਿਵੇਂ ਕਿ ਪੰਜਾਬੀ ਜਾਂ ਹਿੰਦੀ ਜਾਂ ਅੰਗਰੇਜ਼ੀ ਤਾਂ ਸ਼ਾਇਦ ਸਾਡੇ ਬੱਚੇ ਵੀ ਡਾਕਟਰ, ਇੰਜੀਨੀਅਰ, ਜਾ ਵੱਡੀਆਂ ਡਿਗਰੀਆਂ ਲੈ ਸਕਦੇ ਨੇ, ਮੇਰੇ ਪੰਜਾਬ ਦੇ ਬੱਚੇ ਪਹਿਲਾਂ ਤਾਂ ਤਿੰਨ ਚਾਰ ਸਾਲ ਤਾਂ ਭਾਸ਼ਾਵਾਂ ਸਿੱਖਣ ਤੇ ਹੀ ਬਰਬਾਦ ਕਰ ਦਿੰਦੇ ਨੇ ਜਦ ਕੀ ਬੱਚੇ ਦੇ ਪਹਿਲੇ ਤਿੰਨ ਚਾਰ ਸਿੱਖਣ ਦੇ ਹੁੰਦੇ ਨੇ ਸਾਇੰਸ ਕਹਿੰਦੀ ਹੈ ਕਿ ਬੱਚੇ ਜੋ ਪਹਿਲਾਂ ਚਾਰ ਸਾਲਾਂ ਚ ਸਿੱਖ ਸਕਦੇ ਨੇ ਉਹ ਪੂਰੀ ਜ਼ਿੰਦਗੀ ਚ ਨਹੀਂ ਸਿੱਖ...

ਸਕਦੇ ਪਰ ਸਾਡੇ ਉਲਟ ਹੈ ਪਹਿਲਾਂ ਚਾਰ ਪੰਜ ਸਾਲ ਤਾਂ ਭਾਸ਼ਾਵਾਂ ਸਿਖਾਉਣ ਚ ਖ਼ਰਾਬ ਕਰ ਦਿੰਦੇ ਨੇ, ਤੇ ਬਾਅਦ ਚ ਬੱਚੇ ਦੀ ਓਨੀ ਪਕੜ ਨਹੀਂ ਬਣਦੀ ਤੇ ਭਾਸ਼ਾਵਾਂ ਸਿੱਖਣ ਚ ਬੱਚੇ ਦਾ ਮਨ ਵੀ ਅੱਕ ਜਾਂਦਾ ਹੈ ਤਾਂ ਹੀ ਪੰਜਾਬ ਦੇ ਬਹੁਤੇ ਮੁੰਡੇ ਕੁੜੀਆਂ 8ਵੀਂ 10ਵੀਂ ਤੋਂ ਬਾਅਦ ਪੜ੍ਹਾਈ ਛੱਡ ਜਾਂਦੇ ਨੇ ਇੱਥੇ ਕਸੂਰ ਬੱਚਿਆਂ ਦਾ ਨਹੀਂ ਕਿ ਉਹਨਾਂ ਦੇ ਦਿਮਾਗ ਘੱਟ ਨੇ ਬਲਕਿ ਸਾਡੀਆਂ ਭਾਸ਼ਾਵਾਂ ਦਾ ਹੈ ਬਾਕੀ ਦੇਸ਼ਾਂ ਵਿੱਚ ਤਕਰੀਬਨ ਇੱਕ ਭਾਸ਼ਾ ਹੋਣ ਕਰਕੇ ਬੱਚੇ ਵੱਡੀਆਂ  ਡਿਗਰੀਆਂ ਲੈ ਰਹੇ ਨੇ,ਭਾਰਤ ਚ ਵੀ ਕੇਰਲਾ ਚ ਬੱਚੇ ਬਹੁਤ ਹੁਸ਼ਿਆਰ ਨੇ ਹੁਸ਼ਿਆਰ ਹੋਣ ਦਾ ਇਹ ਕਾਰਨ ਨਹੀਂ ਕਿ ਉਹਨਾਂ ਦੇ ਦਿਮਾਗ ਤੇਜ਼ ਨੇ ਜਾਂ ਉਹਨਾਂ ਨੂੰ ਪੜ੍ਹਾਈ ਦਾ ਮਾਹੌਲ ਵਧੀਆ ਮਿਲਿਆ ਹੈ, ਬਸ ਕਾਰਨ ਇਹੀ ਕਿ ਉਹਨਾਂ ਦੀ ਮਾਂ ਬੋਲੀ ਵੀ ਇਕੋਂ ਤੇ ਭਾਸ਼ਾ ਵੀ ਇੱਕੋ।ਜੇ ਸਾਡੇ ਪੰਜਾਬ ਵੀ ਇੱਕੋਂ ਭਾਸ਼ਾ ਹੋ ਜਾਵੇ ਤਾਂ ਸਾਡੇ ਪੰਜਾਬ ਦੇ ਬੱਚੇ ਵੀ ਪੜ ਕੇ ਬਹੁਤ ਕੁਝ ਬਣ ਸਕਦੇ ਨੇ ਫਿਰ ਉਹ ਕਦੇ ਵੀ ਭਾਸ਼ਾ ਨੂੰ ਹੁਸ਼ਿਆਰ ਹੋਣ ਦੀ ਨਿਸ਼ਾਨੀ ਨਹੀਂ ਮੰਨਣਗੇ ਤੇ ਨਾਹੀਂ ਅੱਧ ਵਿਚਕਾਰੋਂ ਪੜਾਈ ਛੱਡਣਗੇ।
ਵੀਰਪਾਲ ਸਿੱਧੂ ਮੌੜ
6283154525