( ਲਹੌਰ ਤੋਂ ਅੰਬਰਸਰ )
ਗੱਲ ਉਹਨਾਂ ਦਿਨਾ ਦੀ ਆ,ਜਦੋਂ ਦਾਦੀਆਂ ਨਾਨੀਆਂ ਤੋਂ ਬਾਤਾਂ ਸੁਣਦੇ ਸੁਣਦੇ ਨੀਂਦ ਆਉਂਦੀ ਸੀ, ਨਾਨਕੇ ਪਿੰਡ ਜਾਣਾ ਤਾਂ ਨਾਨੀ ਨਾਲ ਜਿਦ ਕਰਨੀ ਬੀਬੀ ਬਾਤਾਂ ਸੁਣਾ ਰਾਜੇ ਰਾਣੀਆਂ ਦੀਆਂ, ਬੀਬੀ ਕਹਿੰਦੀ ਪੁੱਤ ਸੁਣਨੀਆ ਤੇ ਹੱਡ ਬੀਤੀਆਂ ਸੁਣ, ਮੈਂ ਹੈਰਾਨ ਜਿਹੀ ਹੋ ਗਈ ਇਹ ਹੱਡ ਬੀਤੀਆਂ ਕੀ ਹੁੰਦੀਆਂ? ਬੀਬੀ ਹੱਸ ਪੈਂਦੀ ਮੇਰੇ ਝੱਲੇ ਸਵਾਲ ਸੁਣ ਕੇ,
ਬੀਬੀ ਕਹਿੰਦੀ ਪੁੱਤ ਸਾਰੀ ਉਮਰ ਲੰਘ ਚੱਲੀ ਸਫਰ ਕਰਦਿਆਂ ਪਰ ਕਾਹਨੇ ਕਾਸ਼ੇ ਤੋਂ ਡੱਲ ਤੱਕ ਦਾ ਸਫਰ ਬੜਾ ਮੁਸ਼ਕਿਲ ਤੇ ਡਰਾਉਣਾ ਸਫਰ ਸੀ,ਕੋਈ ਚਿਤ ਚੇਤਾ ਨਹੀਂ ਸੀ ਕਿ ਇਕ ਦਿਨ ਉਸ ਸਫਰ ਲਈ ਨਿਕਲਣਾ ਤੇ ਮੁੜ ਵਾਪਸ ਨਹੀਂ ਆਉਣਾ।ਬੀਬੀ ਦੇ ਦੱਸਣ ਅਨੁਸਾਰ 14 ਸਾਲ ਦੀ ਸੀ, ਤੇ ਉਸਨੇ ਖੱਡੀ ਤੇ ਦਰੀ ਲਾਈ ਹੋਈ ਸੀ,ਸਾਰੇ ਬੀਬੀ ਨੂੰ ਕਹਿਣ ਐਂਵੇ ਦਰੀ ਤੇ ਮੋਰਨੀਆਂ ਬਣਾਉਣ ਤੇ ਮੱਥਾ ਨਾ ਮਾਰ ਸੁਣਿਆ ਜੰਗ ਲੱਗ ਜਾਣਾ ਤੇ ਸਿੱਖਾਂ ਨੂੰ ਇੱਥੋ ਕੱਢ ਦੇਣ ਦੀਆਂ ਗੱਲਾਂ ਕਰੀ ਜਾਂਦੇ ਲੋਕ, ਬੀਬੀ ਕਹਿੰਦੀ ਮੈ ਤਾ ਆਵਦੀ ਮੋਰਨੀਆਂ ਵਾਲੀ ਦਰੀ ਦੀ ਬੁੱਕਲ ਮਾਰ ਕੇ ਨਾਲ ਹੀ ਲੈ ਜਾਣੀ।ਬੀਬੀ ਕਹਿੰਦੀ ਮੇਰਾ ਪਿਓ ਕਹਿੰਦਾ ਕੋਈ ਨਾ ਪੁੱਤ 10 ਦਿਨ ਰੌਲਾ ਗੌਲਾ ਪੈਣਾ ਕੁਝਨੀ ਹੁੰਦਾ, ਨਾਲੇ ਆਪਣੀ 150 ਕਿੱਲਾ ਜਮੀਨ ਮੇਰੇ ਨਾਂ ਏ ਐਂਵੇ ਕਿਵੇਂ ਕੱਢ ਦੇਣ ਗੇ, ਮਹਿਲਾ ਵਾਲੇ ਵਜਦੇ ਆਪਾ ਐਂਵੇ ਘਬਰਾਉਣ ਦੀ ਲੋੜ ਨਹੀਂ,ਬਸ ਫਿਰ ਦੋ ਕੁ ਦਿਨਾਂ ਬਾਅਦ ਹਫੜਾ ਦਫੜੀ ਮੱਚ ਗਈ, ਜਿਹੜੇ ਘਰ ਚ ਨੌਕਰ ਕੰਮ ਕਰਦੇ ਸੀ, ਅੱਖਾ ਸਾਹਮਣੇ ਸਾਰਾ ਘਰ ਦਾ ਸਮਾਨ ਚੁੱਕ ਕੇ ਆਪਣੇ ਘਰਾਂ ਚ ਢੋਹਣ ਲੱਗ ਪਏ ਤੇ ਸਾਡੀ ਹਿੰਮਤ ਨਹੀਂ ਸੀ ਕੁਝ ਬੋਲਣ ਦੀ, ਮੇਰੀ ਮਾਂ ਨੇ ਮੇਰਾ ਦਾਜ ਰੀਝਾ ਪ੍ਰੀਤਾ ਨਾਲ ਬਣਾਇਆ ਪਰ ਸਭ ਅੱਖਾ ਸਾਹਮਣੇ ਖੁੱਸ ਗਿਆ,...
ਖੱਡੀ ਤੇ ਲੱਗੀ ਦਰੀ ਦੀਆ ਮੋਰਨੀਆਂ ਵੀ ਕੀਰਨੇ ਪਾ ਰਹੀਆਂ ਸੀ,ਕਿੱਲੋ ਕਿੱਲੋ ਦੇ ਚਾਂਦੀ ਦੇ ਭਾਂਡੇ ਜੋ ਮੇਰੇ ਪਿਓ ਦੀ ਖੂਨ ਪਸੀਨੇ ਦੀ ਕਮਾਈ ਤੋਂ ਬਣੇ ਸੀ ਮੇਰੇ ਦਾਜ ਲਈ,ਉਹਨਾ ਨੂੰ ਤੇ ਕੌਡੀਆਂ ਦੇ ਭਾਅ ਮਿਲ ਗਏ, ਬਸ ਇੱਕ ਅਹਿਸਾਨ ਕੀਤਾ ਉਹਨਾ ਜੋ ਸਾਰੀ ਉਮਰ ਨਹੀਂ ਭੁੱਲਿਆ ਤੇ ਨਾ ਕਦੇ ਭੁੱਲ ਸਕਦੇ, ਉਹ ਇਹ ਸੀ ਉਹਨਾ ਨੇ ਮੇਰੇ ਪਰਿਵਾਰ ਦੀ ਜਾਨ ਤੇ ਇੱਜਤ ਬਚਾ ਲਈ, ਆਪਣੇ ਘਰ ਰੱਖਿਆ ਤੇ ਰੋਟੀ ਪਾਣੀ ਛਕਾਇਆ, ਤੇ ਮੌਕਾ ਵੇਖਦਿਆ ਰਾਹ ਚ ਛੱਡ ਗਏ ਜਿੱਥੋ ਅਸੀ ਵੀ ਕਾਫਲੇ ਨਾਲ ਅੱਜ ਦੇ ਚੜਦੇ ਪੰਜਾਬ ਵੱਲ ਪੁਲਾਂਘਾਂ ਪੱਟਣੀਆ ਸ਼ੁਰੂ ਕਰਤੀਆ,ਮੇਰੇ ਪਿਓ ਤੇ ਭਰਾਵਾਂ ਨੇ ਕਿਰਪਾਨਾ ਨੰਗੀਆਂ ਕਰ ਅੱਗੇ ਪਿੱਛੇ ਤੁਰ ਰਹੇ ਸੀ,ਰਾਹ ਚ ਜਵਾਨਾ ਕੁੜੀਆ ਦੀਆ ਇਜਤਾ ਭਰਾਵਾ ਤੇ, ਪਿਓਵਾਂ ਤੇ ਸਾਹਮਣੇ ਲੁੱਟ ਰਹੀਆ ਸੀ, ਮੇਰੇ ਪਿਓ ਨੇ ਮੇਰੇ ਭਰਾਵਾ ਨੂੰ ਇੱਕੋ ਗੱਲ ਕਹੀ ਸੀ ਜੇ ਆਪਣੀ ਕੁੜੀ ਦੀ ਕਿਸੇ ਇੱਜਤ ਤੱਕੀ ਕੁੜੀ ਦੀ ਧੌਣ ਲਾਹ ਦਿਓ ..ਬਸ ।
ਮੈਂ ਸਾਰੇ ਰਾਹ ਵਾਹਿਗੁਰੂ ਵਾਹਿਗੁਰੂ ਕਰਾ ਕਿਤੇ ਮੇਰੀ ਧੌਣ ਨਾ ਵੱਢਣ ਦੀ ਨੌਬਤ ਆ ਜਾਏ, ਪਰ ਵਾਹਿਗੁਰੂ ਦੀ ਕ੍ਰਿਪਾ ਨਾਲ ਤੀਜੇ ਚੌਥੇ ਦਿਨ ਡੱਲ (ਅਮ੍ਰਿਤਸਰ) ਮੇਰੇ ਨਾਨਕੇ ਪਿੰਡ ਪਹੁੰਚ ਗਏ। ਤੇ ਸਾਰਾ ਕੁੱਝ ਖੋਹਣ ਤੋਂ ਬਾਅਦ ਵੀ ਸੁਖ ਦਾ ਸਾਹ ਅਇਆ। ਮੈ ਕਿਹਾ ਬੀਬੀ ਤੇਰਾ ਜੀ ਨੀ ਕਰਦਾ ਆਵਦੇ ਪਿੰਡ ਜਾਣ ਨੂੰ। ਬੀਬੀ ਕਹਿੰਦੀ ਪੁੱਤ ਜੀ ਦਾ ਕਰਦਾ ਪਰ ਸ਼ਾਇਦ ਉਹ ਮਹਿਲਾ ਵਾਲਾ ਘਰ ਮੇਰਾ ਹੈ ਹੀ ਨਹੀਂ ਸੀ, deepraman✍️
Davinder Singh
ਬਹੁਤ ਸੌਹਣੀ ਕਹਾਣੀ ਆ ਪਰ ਜਲਦੀ ਖਤਮ ਕਰ ਗਏ।
RAMAN SANDHU
Nice
Baljeet kaur
very nice story
Rekha Rani
very nice story touching my❤ heart
Gurdeep singh
great story
Deepraman kaur
thank you so much ji 🙏
Preet Singh
bahut sohna likhya ji
Shivani Chand
nice story
Ninder Singh
Awesome Story, Heart Touching