ਮੁਹੱਬਤ ਇੱਕ ਅਜਿਹਾ ਭਾਵ ਜੋ ਇੱਕ ਉਮਰ ਵਿਚ ਸਾਡੇ ਸਾਰਿਆਂ ਅੰਦਰ ਜਨਮ ਲੈਂਦਾ ਹੈ ਅਤੇ ਮੁਹੱਬਤ ਇੰਨੀ ਖੂਬਸੂਰਤ ਹੁੰਦੀ ਏ ਕਿ ਮੇਰੇ ਲਈ ਇਸਦੀ ਵਿਆਖਿਆ ਕਰਨੀ ਔਖੀ ਏ ,ਇਸਦੀ ਖੂਬਸੂਰਤੀ ਦਾ ਅੰਦਾਜ਼ਾ ਤੁਸੀ ਕਿਸੇ ਲੇਖਕ ਦੀ ਆਪਣੀ ਪ੍ਰੇਮਿਕਾ ਤੇ ਲਿਖੀ ਕਵਿਤਾ ਤੋਂ ਲਾ ਸਕਦੇ ਓ |
ਪਰ ਅੱਜ ਮੈਂ ਗੱਲ ਕਰਨ ਜਾ ਰਿਹਾ ਇਸ ਮੁਹੱਬਤ ਦੇ ਦੂਸਰੇ ਪਾਸੇ ਦੀ, ਉਹ ਪਾਸਾ ਜਿਸ ਨਾਲ ਆਪਣੇ ਵਰਗੇ ਬਹੁਤੇ ਲੋਕ ਜਾਣੂ ਤਾਂ ਹੈਗੇ ਆ ਪਰ ਇਸਦੇ ਖਿਲਾਫ ਕਦਮ ਨੀ ਚੁੱਕਦੇ ਅਤੇ ਅੰਤ ਵਿੱਚ ਸਾਰੇ ਮੁਹੱਬਤ ਕਰਨ ਵਾਲੇ ਬਦਨਾਮ ਹੋ ਜਾਂਦੇ ਹਨ ,
ਲੋਕ ਕਿਉਂ ਮੁਹੱਬਤ ਨੂੰ ਬੁਰਾ ਮੰਨਦੇ ਨੇ ? ਕਿਉਂ ਇਹ ਸਮਾਜ ਮੁਹੱਬਤ ਨੂੰ ਕਬੂਲ ਨੀ ਕਰਦਾ ? ਇਸਦੀ ਵਜ੍ਹਾ ਇਹ ਮੁਹੱਬਤ ਦਾ ਉਹ ਪਾਸਾ ਜਿਸਨੇ ਪਤਾ ਨਹੀਂ ਕਿੰਨੇ ਹੀ ਮੁੰਡੇ ਕੁੜੀਆਂ ਦੀ ਜ਼ਿੰਦਗੀ ਖਰਾਬ ਕਰ ਦਿੱਤੀ | ਕਿੰਨੇ ਹੀ ਮੁੰਡਿਆਂ ਦੀ ਸੋਚ ਸਿਰਫ ਜਿਸਮ ਤੱਕ ਹੈ ਜਿਨ੍ਹਾਂ ਨੇ ਪਤਾ ਨੀ ਕਿੰਨੀਆਂ ਕੁੜੀਆਂ ਦੀ ਜ਼ਿੰਦਗੀ ਖਰਾਬ ਕਰ ਦਿਤੀ | ਕੁੱਝ ਆਪਣਾ ਸਮਾਜ ਵੀ ਇਹੋ ਜਿਹਾ ਏ ਜੋ ਅਜਿਹੀਆਂ ਕੁੜੀਆਂ ਨੂੰ ਕਬੂਲ ਨਹੀਂ ਕਰਦਾ |
ਮੈਂ ਇਹ ਨੀ ਕਹਿ ਰਿਹਾ ਵੀ ਮੁੰਡੇ ਹੀ ਗ਼ਲਤ ਨੇ ਕੁੜੀਆਂ ਵੀ ਇਸ ਵਿਚ ਬਰਾਬਰ ਦੀਆਂ ਹਿੱਸੇਦਾਰ ਨੇ , ਉਹ ਕੁੜੀਆਂ ਜੋ ਮੁੰਡੇ ਨੂੰ ਸਿਰਫ ਪੈਸਿਆਂ ਵਾਲੀ ਮਸ਼ੀਨ ਸਮਝੀ ਬੈਠੀਆਂ ਅਤੇ ਜਦੋ ਮਸ਼ੀਨ ਖਾਲੀ ਹੋਗੀ ਫੇਰ ਉਸਨੂੰ ਛੱਡ ਦਿੱਤਾ ਅਤੇ ਇਸ ਸਭ ਦੇ ਪਿੱਛੋਂ ਜੋ ਅੰਜਾਮ ਹੁੰਦਾ ਮੈਨੂੰ ਦੱਸਣ ਦੀ ਲੋੜ ਨਹੀਂ, ਸਮੇਂ ਸਮੇ ਤੇ ਮੁੰਡੇ-ਕੁੜੀਆਂ ਦੀਆ ਆਤਮ-ਹਤਿਆਵਾਂ ਦੀਆਂ ਖਬਰਾਂ ਆਉਂਦੀਆਂ ਹੀ ਰਹਿੰਦੀਆਂ ਨੇ| ਇਸ ਮਸਲੇ ਬਾਰੇ ਸੋਚਦੇ-ਸੋਚਦੇ ਕੁੱਝ ਲਿਖਿਆ ਹੈ ਜੋ ਕਿ ਤੁਹਾਡੇ ਰੂਬਰੂ ਕਰ ਰਿਹਾ ਹਾਂ :-

ਮੁਹੱਬਤ ਜਿਸਨੂੰ ਕਹਿੰਦੇ ਨੇ
ਮੈਨੂੰ ਬੁਖਾਰ ਜਿਹਾ ਹੋਇਆ ਏ ,
ਮੈਨੂੰ ਇੱਕ ਝੂਠੀ ਕੁੜੀ ਨਾਲ
ਪਿਆਰ ਜਿਹਾ ਹੋਇਆ ਏ ,
ਮੈਥੋਂ ਉਂਗਲਾਂ ਉਪਰ ਗਿਣੇ ਨਹੀਂ ਜਾਂਦੇ
ਓਹਦੇ ਇਹਨੇ ਲਾਰੇ ਨੇ ,
ਚੰਨ ਜਿਹਾ ਮੁੱਖੜਾ ਹੈ ਉਸਦਾ
ਪਰ ਚੰਨ ਤੋਂ ਵੱਡੇ ਤਾਰੇ ਨੇ ,
ਸੱਚ ਤੇ ਨਹੀਂ ਲਗਦਾ ਮੈਨੂੰ
ਪਰ ਇੱਕ ਇਕਰਾਰ ਜਿਹਾ ਹੋਇਆ ਏ ,
ਮੁਹੱਬਤ ਜਿਸਨੂੰ ਕਹਿੰਦੇ ਨੇ
ਮੈਨੂੰ ਬੁਖਾਰ ਜਿਹਾ ਹੋਇਆ ਏ ,
ਮੈਨੂੰ ਇੱਕ ਝੂਠੀ ਕੁੜੀ ਨਾਲ
ਪਿਆਰ ਜਿਹਾ ਹੋਇਆ ਏ ,
ਓਹਦੇ ਚੇਹਰੇ ਦਾ ਮਿੱਠਾਪਣ
ਕਿਸੇ ਨਕਾਬ ਜਿਹਾ ਏ ,
ਪਰ ਇਸਦੇ ਪਿੱਛੇ ਜੋ ਹੈ
ਬਹੁਤ ਖਰਾਬ ਜਿਹਾ ਏ ,
ਮੈਂ ਜਾਣਦਾ ਹਾਂ ਸਭ ਕੁੱਝ
ਦਿਲ ਗੱਦਾਰ ਜਿਹਾ ਹੋਇਆ ਏ,
ਮੁਹੱਬਤ ਜਿਸਨੂੰ ਕਹਿੰਦੇ ਨੇ
ਮੈਨੂੰ ਬੁਖਾਰ ਜਿਹਾ ਹੋਇਆ ਏ ,
ਮੈਨੂੰ ਇੱਕ ਝੂਠੀ ਕੁੜੀ ਨਾਲ
ਪਿਆਰ ਜਿਹਾ ਹੋਇਆ ਏ ,
ਸਭ ਕੁੱਝ ਹੈ ਅੱਖਾਂ ਸਾਵੇਂ
ਕੋਈ ਰਾਜ ਨਹੀਂ ਏ,
ਮੈਂ ਸੁਣਿਆ ਇਸ ਮਰਜ਼ ਦਾ
ਕੋਈ ਇਲਾਜ਼ ਨਹੀਂ ਏ ,
ਓਹਦਾ ਕਹਿਣਾ ਮੈਂ ਸਭ ਕੁਝ ਹਾਂ ਉਸਦਾ
‘ਪ੍ਰੀਤ’ ਉਹ ਸ਼ਕਸ ਸਰਕਾਰ ਜਿਹਾ ਹੋਇਆ ਏ,
ਮੁਹੱਬਤ ਜਿਸਨੂੰ ਕਹਿੰਦੇ ਨੇ
ਮੈਨੂੰ ਬੁਖਾਰ ਜਿਹਾ ਹੋਇਆ ਏ ,
ਮੈਨੂੰ ਇੱਕ ਝੂਠੀ ਕੁੜੀ ਨਾਲ
ਪਿਆਰ ਜਿਹਾ ਹੋਇਆ ਏ ,
ਅੰਤ ਇਸਦਾ ਜੋ ਹੋਂਣਾ
ਇਹ ਸਭ ਜਾਣਦੇ ਨੇ ,
ਇਹ ਜੋ ਪੜ੍ਹ ਰਹੇ ਨੇ
ਲਗਦਾ ਮੇਰੇ ਹਾਣ ਦੇ ਨੇ ,
ਇਸ ਲਈ ਦਿਲ ਮੇਰਾ
ਖ਼ਬਰਦਾਰ ਜਿਹਾ ਹੋਇਆ ਏ,
ਮੁਹੱਬਤ ਜਿਸਨੂੰ ਕਹਿੰਦੇ ਨੇ
ਮੈਨੂੰ ਬੁਖਾਰ ਜਿਹਾ ਹੋਇਆ ਏ ,
ਮੈਨੂੰ ਇੱਕ ਝੂਠੀ ਕੁੜੀ ਨਾਲ
ਪਿਆਰ ਜਿਹਾ ਹੋਇਆ ਏ ,
ਮਨਪ੍ਰੀਤ ਸਿੱਧੂ ……………………………………………………………………………

ਇੱਕ ਵਕਤ ਜਦੋ ਬਦਨਾਮ ਨਹੀਂ ਸੀ

/> ਕੁੜੀ ਮੈਂ ਵੀ ਆਮ ਜਹੀ ਸੀ
ਕੱਚੀ ਉਮਰ ਸੀ
ਪਿਆਰ ਚ ‘ ਪੈ ਗਈ
ਜਿਸਮ ਦੇ ਭੁੱਖੇ ਦੇ
ਇਕਰਾਰ ਚ’ ਪੈ ਗਈ
ਕੁੱਝ ਸਮਝ ਨਹੀਂ ਆਈ
ਮੈਂ ਨਾਦਾਨ ਜਿਹੀ ਸੀ,
ਇੱਕ ਵਕਤ ਜਦੋ ਬਦਨਾਮ ਨਹੀਂ ਸੀ
ਕੁੜੀ ਤਾਂ ਮੈਂ ਵੀ ਆਮ ਜਹੀ ਸੀ,
ਗੱਲਾਂ ਵਿਚ ਉਸਨੇ ਮੈਨੂੰ
ਆਪਣਾ ਸਭ ਬਣਾਇਆ ਸੀ
ਕਹਿੰਦਾ ਮੰਦਿਰ ਨਹੀਂ ਜਾਂਦਾ
ਓਹਨੇ ਮੈਨੂੰ ਰੱਬ ਬਣਾਇਆ ਸੀ ,
ਨਹੀਂ ਪਤਾ ਸੀ ਓਹਦੇ ਲਈ
ਮੈਂ ਬਸ ਸਮਾਨ ਜਿਹੀ ਸੀ
ਇੱਕ ਵਕਤ ਜਦੋ ਬਦਨਾਮ ਨਹੀਂ ਸੀ
ਕੁੜੀ ਤਾਂ ਮੈਂ ਵੀ ਆਮ ਜਹੀ ਸੀ,
ਸਭ ਕੰਮ ਕੀਤੇ ਮੈਂ
ਜੋ ਉਸਨੇ ਚਾਹੇ ਸੀ
ਓਹਦੇ ਕਮਰੇ ਵਿੱਚ ਜਾ
ਮੈਂ ਕੱਪੜੇ ਲਾਹੇ ਸੀ ,
ਇੰਝ ਨੋਚਿਆ ਉਸਨੇ ਮੈਨੂੰ
ਜਿਵੇਂ ਮੈਂ ਇਨਸਾਨ ਨਹੀਂ ਸੀ ,
ਇੱਕ ਵਕਤ ਜਦੋ ਬਦਨਾਮ ਨਹੀਂ ਸੀ
ਕੁੜੀ ਤਾਂ ਮੈਂ ਵੀ ਆਮ ਜਹੀ ਸੀ,
ਓਹਦੇ ਫੋਨ ਵਿੱਚ ਕੈਦ
ਸਭ ਸਬੂਤ ਹੋ ਗਿਆ ਸੀ ,
ਉਸੇ ਵਕਤ ਹੀ ਖਤਮ
ਮੇਰਾ ਵਜੂਦ ਹੋ ਗਿਆ ਸੀ ,
ਓਦੋਂ ਤੋਂ ਹੀ ਜ਼ਿੰਦਗੀ ਮੇਰੀ
ਬਸ ਸ਼ਮਸ਼ਾਨ ਜਿਹੀ ਸੀ
ਇੱਕ ਵਕਤ ਜਦੋ ਬਦਨਾਮ ਨਹੀਂ ਸੀ
ਕੁੜੀ ਤਾਂ ਮੈਂ ਵੀ ਆਮ ਜਹੀ ਸੀ,
………………………………………………………………………………………………

ਅੰਤ ਮੈਂ ਆਪ ਸਭ ਲਈ ਇੱਕ ਸਵਾਲ ਛੱਡ ਰਿਹਾ ਹਾਂ ਕਿ ਇਸਦਾ ਹੱਲ ਕਿ ਏ ? ਕਿਓਂਕਿ ਇਹ ਮੇਰੇ ਲਈ ਵੀ ਇੱਕ ਵੱਡਾ ਸਵਾਲ ਬਣਿਆ ਹੋਇਆ ਏ |
…
ਸਤਿ ਸ਼੍ਰੀ ਅਕਾਲ ਜੀ
ਸਭ ਤੋਂ ਪਹਿਲਾਂ ਤਾਂ ਧੰਨਵਾਦ ਜੀ ਲਿਖਤ ਪੜ੍ਹਨ ਲਈ , ਇਸ ਲਿਖਤ ਵਿੱਚ ਆਈਆਂ ਕਾਮਿਆਂ ਪੇਸ਼ੀਆਂ ਲਈ ਮੈਂ ਮਾਫੀ ਚਾਵਾਂਗਾ ਜੀ ,ਜਿਨ੍ਹਾਂ ਪਾਠਕਾਂ ਨੂੰ ਕਿਤਾਬ ਚੰਗੀ ਲੱਗੀ ਜਾਂ ਉਹ ਕੋਈ ਸੁਝਾਅ ਦੇਣਾ ਚਾਹੁੰਦੇ ਹਨ ਉਹ ਆਪਣੀ ਪ੍ਰਤੀਕਿਰਿਆ ਮੈਨੂੰ ਮੇਰੇ ਵਟਸਅੱਪ ਨੰਬਰ ਤੇ ਦੇ ਸਕਦੇ ਹਨ ਇਸ ਨਾਲ ਮੈਨੂੰ ਲਿਖਤਾਂ ਵਿਚ ਸੁਧਾਰ ਕਰਨ ਵਿਚ ਮਦਦ ਮਿਲੇਗੀ ਜੀ
ਵਟਸਐਪ ਨੰਬਰ :-62809-81326
ਨੋਟ :-ਜਲਦੀ ਹੀ ਸਾਡੀ ਇੱਕ ਨਿੱਕੀ ਜਿਹੀ ਕੋਸ਼ਿਸ਼, ਇੱਕ ਨਵੀ ਸ਼ੁਰੁਆਤ (ਕਾਵਿ-ਸੰਗ੍ਰਹਿ ) ਕਿਤਾਬ ਰਾਹੀਂ ਤੁਹਾਡੇ ਰੂਬਰੂ ਹੋ ਰਹੀ ਆ ,ਆਸ ਹੈ ਤੁਸੀ ਸਾਡੀਆਂ ਇਹਨਾਂ ਕਹਾਣੀਆਂ ,ਕਵਿਤਾਵਾਂ ਵਾਂਗ ਇਸ ਕਿਤਾਬ ਨੂੰ ਵੀ ਪਿਆਰ ਦੇਵੋਗੇ ,ਇਸ ਕਿਤਾਬ ਬਾਰੇ ਵਧੇਰੇ ਜਾਣਕਾਰੀ ਲਈ ਤੇ ਇਸ ਕਿਤਾਬ ਨੂੰ ਘਰ ਮੰਗਵਾਉਣ ਲਈ ,ਤੁਸੀ ਹੇਠ ਲਿਖੇ ਨੰਬਰ ਤੇ ਸੰਪਰਕ ਜਾਂ ਮੈਸਜ ਕਰ ਸਕਦੇ ਹੋ |
.
ਸੁਖਦੀਪ ਰਾਏਪੁਰ (ਸੰਪਾਦਕ) :- 86996-33924
ਮਨਪ੍ਰੀਤ ਸਿੱਧੂ :-62809-81326