ਜੀਣਾ ਝੂਠ ਮਰਨਾ ਸੱਚ
ਕਿੰਨਾ ਆਸਾਨ ਹੈ ਇਹ ਬੋਲਣਾ,ਲਿਖਣਾ ਤੇ ਪੜ੍ਹਨਾ ਪਰ ਬਹੁਤ ਔਖਾ ਏ ਹੰਢਾਉਣਾ 😢
ਜ਼ਿੰਦਗੀ ਕੀ ਏ ਸਾਰੀ ਉਮਰ ਇੱਕ ਦੂਜੇ ਨੂੰ ਨੀਚਾ ਦਿਖਾਉਣ ਇੱਕ ਦੂਜੇ ਦੀ ਬੁਰਾਈ ਕਰਨ ਵਿੱਚ ਕਮੀਆਂ ਕੱਢਣ ਵਿੱਚ ਕੱਢ ਦਿੰਦੇ ਆ ਇਹ ਪਤਾ ਹੁੰਦੇ ਹੋਏ ਵੀ ਕੇ ਮਨੁੱਖੀ ਜੀਵਨ ਇਸ ਕੰਮ ਲਈ ਨਹੀਂ ਮਿਲਿਆ ਇਹ ਜੀਵਨ ਉਸ ਪ੍ਰਭੂ ਪ੍ਮਾਤਮਾ ਦਾ ਮਿਲਾਪ ਕਰਨ ਲਈ ਇਕ ਮੌਕਾ ਏ ਜਿਸ ਨੂੰ ਅਸੀਂ ਹੰਕਾਰ,ਈਰਖਾ,ਬਦਲੇ ਦੀ ਭਾਵਨਾ ਤੇ ਅਜਿਹੇ ਹੋਰ ਪਤਾ ਨਹੀਂ ਕਿੰਨੇ ਫਾਲਤੂ ਕੰਮਾਂ ਵਿੱਚ ਵਿਅਰਥ ਗਵਾ ਰਹੇ ਆ ਸਾਨੂੰ ਪਤਾ ਏ ਕੋਈ ਇਕ ਵਾਰ ਚਲਾ ਗਿਆ ਉਸ ਦਰਗਾਹ ਤਾਂ ਉਸ ਨੇ ਕਦੇ ਮੁੜ ਨਹੀਂ ਆਉਣਾ ਤੇ ਇਹ ਵੀ ਪਤਾ ਏ ਇਕ ਦਿਨ ਸਭ ਨੇ ਜਾਣਾ ਏ ਤਾ ਫਿਰ ਕਿਉਂ ਨਾ ਨਫਰਤ ਗੁੱਸਾ ਗਿਲਾ ਛੱਡ ਕੇ ਸਭ ਨਾਲ ਪਿਆਰ ਨਾਲ ਪੇਸ਼ ਆਈਏ ਖੁਸ਼ੀਆਂ ਵੰਡੀਏ ਦੁੱਖ ਸੁੱਖ ਵਿਚ ਇਕ ਦੂਜੇ ਦੇ ਸਾਥੀ ਬਣੀਏ ਆਪਣੀ ਬੋਲ ਬਾਣੀ ਨੂੰ ਮਿੱਠਾ ਬਣਾਈਏ ਇਹ ਦੁਨੀਆਂ ਇੱਕ ਮੇਲਾ ਏ ਫਿਰ ਕਿਉਂ ਨਾ ਖਵਾਹਿਸ਼ਾਂ ਦਾ ਬੋਝ ਘਟਾ ਕੇ ਇਸ ਮੇਲੇ ਦਾ ਆਨੰਦ ਉਸ ਪ੍ਰਭੂ ਪ੍ਰਮਾਤਮਾ ਦਾ ਹਰ ਘੜੀ ਸ਼ੁਕਰਾਨਾ ਕਰ ਕੇ ਮਾਣੀਏ ਜਿਸ ਨੂੰ ਪਿਆਰ ਕਰਦੇ ਆ ਉਸ ਨੂੰ ਜਦੋਂ ਮੌਕਾ ਮਿਲੇ ਅਹਿਸਾਸ ਕਰਵਾਈਏ ਕੇ ਉਹ ਕਿੰਨਾ ਖਾਸ ਹੈ ਸਾਡੇ ਲਈ ਜਿਸ ਨਾਲ ਗੁੱਸਾ ਗਿੱਲਾ ਏ ਉਸ...
ਨਾਲ ਕੋਸ਼ਿਸ਼ ਕਰੀਏ ਸਾਰੇ ਗਿਲੇ ਸ਼ਿਕਵੇ ਮਿਟਾਓਣ ਦੀ ਆਪਣੇ ਦਿਮਾਗ ਨੂੰ ਇਧਰ ਉੱਧਰ ਦੀਆਂ ਫਾਲਤੂ ਗੱਲਾਂ ਵਿੱਚ ਉਲਝਾਉਣ ਦੀ ਜਗ੍ਹਾ ਕਿਉਂ ਨਾ ਵਧੀਆ ਕਿਤਾਬਾਂ ਪੜ੍ਹੀਆਂ ਜਾਣ,ਉਸ ਪ੍ਰਮਾਤਮਾ ਦੀ ਉਸਤਤ ਕੀਤੀ ਜਾਵੇ ਜੋ ਸਭਨਾਂ ਥਾਂ ਈ ਰਾਖਾ ਏ ….ਕਿਸੇ ਨੂੰ ਪਿਆਰ,ਸਤਿਕਾਰ ਖੁਸ਼ੀ ਉਸ ਦੇ ਜਿਓਂਦੇ ਜੀ ਦੇਈਏ ਉਸ ਦੇ ਜਾਣ ਬਾਅਦ ਵਧੀਆ ਲੰਗਰ ਲਗਾਓਣ ਦਾ ਉਨਾਂ ਫਲ ਨੀ ਮਿਲਣਾ ਜਿੰਨਾ ਜਿਓਦੇ ਨੂੰ ਖੁਸ਼ ਰੱਖ ਕੇ ਜਾਂ ਉਸ ਨਾਲ ਸਹੀ ਵਿਵਹਾਰ ਕਰਕੇ ਮਿਲਣਾ ਏ ਨਿੱਕੀਆਂ ਗੱਲਾਂ ਵਿੱਚ ਖੁਸ਼ ਹੋਣਾ ਸਿੱਖੋ ਵੱਡੀ ਖੁਸ਼ੀ ਦੇ ਇੰਤਜ਼ਾਰ ਵਿੱਚ ਛੋਟੀਆਂ ਖੁਸ਼ੀਆਂ ਨੂੰ ਕੁਰਬਾਨ ਨਾ ਕਰੋ ਤੇ ਨਾ ਅੱਖੋਂ ਉਹਲੇ ਕਰੋ ਹਮੇਸ਼ਾ ਆਪਣਿਆਂ ਨੂੰ ਲੋਕਾਂ ਲਈ ਕਦੇ ਨਾ ਛਡੋ ਨਾ ਬਾਹਰਲਿਆਂ ਦੀਆਂ ਬੋਲੀਆਂ ਗੱਲਾਂ ਨਾਲ ਖੁਦ ਦੇ ਘਰ ਕਲੇਸ਼ ਪਾਓ ਕੁਝ ਲੋਕਾਂ ਦਾ ਕੰਮ ਹੁੰਦਾ ਏ ਕਹਿਣਾ ਤੇ ਦੂਜਿਆਂ ਦੇ ਘਰਾਂ ਵਿੱਚ ਅੱਗ ਲਗਾ ਕੇ ਸੇਕਣਾ ਅਜਿਹੇ ਲੋਕਾਂ ਤੋਂ ਦੇਰ ਰਹੋ ਖੁਦ ਸਹੀ ਰਹੋ ਆਪਣੀ ਨਜ਼ਰ ਵਿੱਚ ਲੋਕ ਤਾਂ ਰੱਬ ਤੋਂ ਵੀ ਦੁੱਖੀ ਨੇ
ਹਮੇਸ਼ਾ ਯਾਦ ਰੱਖੋ ਆਪਣਿਆਂ ਨਾਲ ਹੀ ਜ਼ਿੰਦਗੀ ਜ਼ਿੰਦਾਬਾਦ ਏ ❤😍❤
ਮਨਪ੍ਰੀਤ ਕੌਰ
10-4-2021